The Paradise: ‘ది ప్యారడైజ్’ పై ట్రోలింగ్.. నాని రియాక్షన్ చూశారా?

‘ది ప్యారడైజ్'(The Paradise) సినిమా నిన్న రిలీజ్ అయ్యింది. మొన్న రాత్రి నుండే ప్రీమియర్ షోలు వేశారు. మొదటి షోతోనే సినిమాకి మిక్స్డ్ టాక్ వచ్చింది. ఫస్ట్ హాఫ్ బాగున్నప్పటికీ, సెకండాఫ్ బాలేదని చాలా మంది పెదవి విరిచారు. అయితే కొంతమంది పనిగట్టుకుని ఈ సినిమాపై ట్రోలింగ్ చేస్తున్నారు. తాజాగా హీరో నాని ‘ది ప్యారడైజ్’ ట్రోలింగ్ పై స్పందించడం జరిగింది. తన ట్విట్టర్ ద్వారా నాని ఈ ట్రోల్స్ పై స్పందించడం జరిగింది.

The Paradise

‘సినిమాపై వచ్చిన ఫన్నీ ట్రోల్స్‌ను నేను కూడా ఆస్వాదించాను, స్పోర్టివ్ గా తీసుకున్నాను.రివ్యూవర్లు,విమర్శకులు ఎత్తిచూపిన లోపాలని సరిచేసుకునే ప్రయత్నం చేస్తాను. అలాగే ఒక నటుడిగా నన్ను నేను మెరుగుపరుచుకోవడానికి అన్నివిధాలుగా సిద్ధంగా ఉన్నాను.

ప్రేక్షకులకు ఒక సరికొత్త అనుభూతిని అందించాలనే ఉద్దేశంతో ‘ది ప్యారడైజ్’ సినిమా కోసం రక్తం, చెమట చిందించి పనిచేశాము. ఫైనల్ గా ప్రేక్షకుల తీర్పును గౌరవించడం మా బాధ్యత.మేము ఎంత కష్టపడినప్పటికీ, తుది ఫలితాన్ని నిర్ణయించేది ప్రేక్షకులే. వాళ్ళ నిర్ణయాన్ని ఎప్పుడూ స్వాగతిస్తాను. రిజల్ట్ ఎలా ఉన్నా నాపై ప్రేక్షకులు చూపించిన ప్రేమకు, సినిమా పట్ల వారు కనబరిచిన ఉత్సాహానికి హృదయపూర్వక కృతజ్ఞతలు’ అంటూ నాని తన ట్విట్టర్లో పేర్కొన్నాడు.

నాని ఇలా ట్వీట్ చేయడం అనేది చాలా మందికి నచ్చింది. కానీ కొంతమంది ‘ఇక్కడ బ్లేమ్ అనేది పరోక్షంగా దర్శకుడు శ్రీకాంత్ ఓదెలపై వేసేసినట్టు, నటించడం తప్ప తానేమీ చేయలేదు అన్నట్టు’ నాని తోసిపుచ్చినట్టు కొందరు అభిప్రాయాలు వ్యక్తం చేస్తున్నారు. ఏదేమైనా హీరోగా అయితే నాని తన బాధ్యతని వందకి వంద శాతం నిర్వర్తించాడు కాబట్టి.. అతన్ని తప్పుబట్టలేం.!

‘సిగ్మా’ తొలి హీరో సందీప్‌ కిషన్‌ కాదు.. ఆయన కాదనుకుంటేనే..

I have seen all your reactions and responses. I’ve received all your love and equally enjoyed your hilarious trolls. I’m heartwarmed by the way audience have owned the film, and also learnt from the flaws that critics and reviewers have pointed out.

Thank you for everything is…

— Nani (@NameisNani) September 25, 2026