శ్రీకాంత్ కథానాయకుడిగా స్వర్గీయ బాపు దర్శకత్వంలో రూపొందిన “రాధా గోపాలం” సినిమాతో తన కెరీర్ ను మొదలుపెట్టిన నాని.. ఆ తర్వాత హీరోగా మారి ప్రస్తుతం యువ కథానాయకుల్లో అగ్ర స్థానంలో ఉన్న విషయం అందరికీ తెలిసిందే.
తాజా సమాచారం ప్రకారం నాని మళ్ళీ అసిస్టెంట్ డైరెక్టర్ గా మారుతున్నాడు. అయితే.. నిజజీవతంలో కాదు లెండి సినిమా కోసం. “ఉయ్యాల జంపాల” ఫేమ్ విరించి వర్మ దర్శకత్వంలో నాని నటించనున్న తాజా చిత్రంలో నాని అసిస్టెంట్ డైరెక్టర్ గా నటిస్తున్నాడట.
ఇంకో విశేషం ఏంటంటే.. రాజమౌళి ఈ చిత్రంలో డైరెక్టర్ గా కనిపించనున్నాడట. ఆయనకి అసిస్టెంట్ గానే నాని నటించబోయేది.
వచ్చే నెల నుంచి సెట్స్ కి వెళ్లనున్న ఈ సినిమాలో మలయాళ నటి అను కథానాయికగా ఎంపికైంది!
