రామ్ చరణ్ వద్దన్న స్టోరీతో నాని సినిమా

ఒక హీరో వద్దన్న స్టోరీతో మరొక హీరో సినిమా చేసి బ్లాక్ బస్టర్ హిట్ అందుకున్న సంఘటనలు తెలుగు చిత్ర పరిశ్రమలో అనేకం ఉన్నాయి. ఆ జాబితాలోకి మరో మూవీ చేరనుందా? అవుననే అంటున్నాయి టాలీవుడ్ వర్గాలు. వెంకట్రాద్రి ఎక్స్ ప్రెస్ , ఎక్స్ ప్రెస్ రాజా చిత్రాలతో వరుసగా రెండు హిట్ లను అందుకున్న యువ దర్శకుడు మేర్లపాక గాంధీ మెగా పవర్ స్టార్ రామ్ చరణ్ తేజ్ కోసం ఓ అద్భుతమైన కథని రెడీ చేసాడు. కొన్నాళ్ల క్రితం చెర్రీ కి వినిపించాడు. ఆ స్క్రిప్ట్ చేయాలా? వద్దా? ఆలోచనలో చరణ్ కొన్ని నెలలు గడిపేశారు. అంతేకాదు ఈ కథని పక్కన పెట్టి సుకుమార్ తో మూవీని పట్టాలెక్కించారు.

దీంతో ఎదురుచూసి అలసిపోయిన గాంధీ ఆ స్టోరీని నేచురల్ స్టార్ నాని కి రీసెంట్ గా వినిపించాడంట. ఈ స్టోరీ నానికి నచ్చడం, ఒకే చెప్పడం వెంట వెంటనే జరిగిపోయాయి. శివ నిర్వాణ దర్శకత్వంలో ‘నిన్ను కోరి’ సినిమా కంప్లీట్ చేసిన నాని దిల్ రాజు నిర్మాణంలో MCA (మిడిల్ క్లాస్ అబ్బాయి) సినిమాని పట్టాలెక్కించారు. వేణు శ్రీరాం దర్శకత్వం వహిస్తున్న సినిమా వేగంగా షూటింగ్ జరుపుకుంటోంది. దీని తర్వాత మేర్లపాక గాంధీ సినిమా సెట్స్ మీదకు వెళ్లనుంది. ఈ చిత్రం గురించి త్వరలో అధికారిక ప్రకటన రానుంది.

Also, do SUBSCRIBE to our YouTube channel to get latest Tollywood updates.