‘ఎం.సి.ఎ’ చిత్రం అనుకోకుండా బ్లాక్ బస్టర్ అవ్వడం నానికి ఎక్కడ లేని కష్టాలను తెచ్చిపెట్టింది. అప్పటి వరకూ నాని సినిమాల పై జనాలకు మంచి నమ్మకమే ఉండేది. కొత్త కొత్త ప్రయోగాలు చేస్తూనే జనాలకు కావాల్సిన ఎంటర్టైన్మెంట్ ఇస్తాడని నాని పై నమ్మకం పెంచుకున్నారు. అయితే ‘ఎం.సి.ఎ’ చిత్రంతో నానికి కమర్షియల్ ఇమేజ్ పై కూడా మోజు ఉందని జనాలు కనిపెట్టేసారు. నిజానికి ‘ఎం.సి.ఎ’ చిత్రం నాని కెరీర్లోనే బిగ్గెస్ట్ బ్లాక్ బస్టర్.
ఆ చిత్రం సాధించిన కలెక్షన్లను.. తరువాత వచ్చిన నాని సినిమాలు అధిగమించలేకపోయాయి. కానీ ఈ చిత్రం హిట్ అవ్వడమే ఇప్పుడు నానిని ఇబ్బందులకు గురిచేసినట్టు కొందరు అభిప్రాయపడుతున్నారు. ‘ఎం.సి.ఎ’ తరువాత నాని పై రొటీన్ అనే ముద్ర బలంగా పడిపోయింది. తరువాత వచ్చిన ‘కృష్ణార్జున యుద్ధం’ ‘దేవదాస్’ వంటి సినిమాలు నాని కెరీర్ పై మరింత ప్రభావం చూపించాయి. తరువాత ‘జెర్సీ’ చిత్రం యునానిమస్ గా సూపర్ హిట్ టాక్ ను సొంతం చేసుకుంది.
కానీ పలు ఏరియాల్లో నష్టాలు కూడా వచ్చాయని ఇన్సైడ్ టాక్. ఇక తరువాత వచ్చిన ‘గ్యాంగ్ లీడర్’ ‘వి’ సినిమాల గురించి ఎంత తక్కువ మాట్లాడుకుంటే అంత మంచింది. ‘శ్యామ్ సింగ రాయ్’ చిత్రానికి బడ్జెట్ ఎక్కువవుతుందని ఏకంగా నిర్మాతనే మార్చేయాల్సి వచ్చిందంటే.. నాని ఇమేజ్ పై కొంత దెబ్బ పడింది అని అర్ధం చేసుకోవచ్చు. ప్రస్తుతం ఒక్క సాలిడ్ హిట్ కొట్టి ఈ ప్రతికూల వాతావరణం నుండీ బయటపడాలని నాని భావిస్తున్నట్టు ఇన్సైడ్ టాక్.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
