Hero Nani: నాని సినిమాకి క్రేజీ బిజినెస్ డీల్!నేచురల్ స్టార్ నాని నటిస్తోన్న లేటెస్ట్ సినిమా ‘దసరా’. శ్రీకాంత్ ఓదెల దర్శకత్వంలో తెరకెక్కుతోన్న ఈ సినిమాలో కీర్తి సురేష్ హీరోయిన్ గా నటిస్తోంది. కొద్ది రోజులుగా ఈ సినిమా షూటింగ్ ఆగిపోయిందని రూమర్స్ వినిపించగా.. అందులో నిజం లేదని వెల్లడించింది చిత్రబృందం. ఇటీవల హైదరాబాద్‌‌లో భారీ సెట్‌లో చిత్రీకరణ మొదలుపెట్టారు. ఇందులో ప్రధాన తారాగణం పాల్గొంటున్నారు. ఇదిలా ఉండగా.. ఇప్పుడు ఈ సినిమాకి క్రేజీ బిజినెస్ డీల్స్ వస్తున్నట్లు సమాచారం.
ఓటీటీ, హిందీ, శాటిలైట్ అన్నీ కలుపుకొని ఈ సినిమాకి రూ.47 కోట్లు ఆఫర్ వచ్చిందట. దీనికి నిర్మాతలు ఓకే చెప్పినట్లు తెలుస్తోంది. అగ్రిమెంట్స్ కూడా పూర్తయ్యాయట. నిజానికి ఈ సినిమాను రూ.50 కోట్లలో పూర్తి చేస్తే నిర్మాతకు ధైర్యంగా ఉంటుంది. థియేటర్ ఆదాయం ఏమాత్రం వచ్చినా అది లాభాలుగా మారుతుంది. కానీ ‘దసరా’ సినిమాకి అయ్యే ఖర్చు రోజురోజుకి పెరిగిపోతుందని సమాచారం. ఒక్క పాట కోసం 500 మంది జూనియర్ ఆర్టిస్ట్ లను తీసుకొచ్చారు.
దీనికోసం రెండు కోట్లకు పైగా ఖర్చు చేసినట్లు తెలుస్తోంది. అలానే సినిమాలో ఓ భారీ యాక్షన్ సీన్ ఉంటుంది. దానికోసం కోటి రూపాయలకు పైగా ఖర్చు పెట్టారట. ఇలా గనుక ఖర్చు చేస్తే.. నాన్ థియేట్రికల్ బిజినెస్ మీద ఎంత వచ్చినా లాభం ఉండదు. ఈ మధ్యకాలంలో జనాలు థియేటర్లకు రావడం తగ్గించారు.
ఆ విషయాన్ని దృష్టిలో పెట్టుకొని నిర్మాణ వ్యయాన్ని అదుపులో పెట్టుకుంటే మంచిది. లేదంటే నష్టాలు తప్పవు. ఇక ఈ సినిమాను తెలుగుతోపాటు తమిళం, కన్నడ, మలయాళం, హిందీ భాషల్లో రిలీజ్ చేయనున్నారు. సంతోష్‌ నారాయణన్‌ మ్యూజిక్ అందించారు.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
