నారా చంద్రబాబునాయుడు తమ్ముడి తనయుడు నారా రోహిత్ హీరోగా నటిస్తున్న మరో చిత్రం “సావిత్రి” ఏప్రిల్ 1న విడులవుతోంది. “తుంటరి” విడుదలైన రెండు వారాల వ్యవధిలోనే “సావిత్రి” రిలీజ్ అవుతుండడం గమనార్హం. “బాణం”తో హీరోగా ఇంట్రడ్యూస్ అయిన నారా రోహిత్.. ఆ తర్వాత “సోలో, ఒక్కడినే, ప్రతినిధి, రౌడి ఫెలో, అసుర” వంటి చిత్రాల్లో నటించాడు.
వీటిలో “సోలో” ఒక్కటే సోసో అనిపించుకోగా.. మిగతా సినిమాలన్నీ నిరాశపరిచాయి. ఈ నేపధ్యంలో.. “సావిత్రి” సినిమా ఫలితం రోహిత్ కెరీర్ కి చాలా కీలకం కానుంది. “ప్రేమ-ఇష్క్-కాదల్” చిత్రంతో దర్శకుడిగా పరిచయమయిన పవన్ సాదినేని దర్సకత్వం వహిస్తున్న ఈ చిత్రంలో నందిత హీరోయిన్. ట్రైలర్స్, సాంగ్ టీజర్స్ పరంగా మంచి క్రేజ్ తెచ్చుకున్న ఈ చిత్రం ఏ మేరకు నారా వారి కుర్రాడికి హెల్ప్ అవుతుందో వేచి చూడాలి !!
