దిల్ రాజు మాట = సెన్సారు సర్టిఫికెట్ అట..!

నరేష్ తనయుడు నవీన్ విజయ కృష్ణ ‘నందిని నర్సింగ్ హోమ్’ సినిమాతో వెండితెరకు పరిచయం కానున్న సంగతి తెలిసిందే. పీవీ గిరి దర్శకత్వం వహించిన ఈ సినిమాకి అచ్చు సంగీతమందించారు. నిన్న సూపర్ స్టార్ మహేశ్ ముఖ్య అతిథిగా హాజరై ఆడియో సీడిలను ఆవిష్కరించారు. అభిమానుల గోల, పదాలు సరిగ్గా పలకలేని యాంకర్స్ తో ఈ కార్యక్రమం అంతా రసాభాసగా జరిగింది. ముఖ్యంగా రవి, శ్యామల యాంకరింగ్ డిబేట్ కార్యక్రమాన్ని తలపించింది. వీటి మధ్య మహేశ్ సహా కృష్ణ, విజయ నిర్మల, త్రివిక్రమ్ వంటి ఆహుతులు నవీన్ అభినందిస్తూ సినిమా విజయాన్ని కాంక్షించారు.

ఇక్కడి వరకు బాగానే ఉందనుకుంటే నవీన్ తండ్రి నరేష్ తన కొడుకు సినిమా గురించి మాట్లాడుతూ “సినిమా చూసిన వాళ్ళందరూ చాలా బాగుందని చెప్పారు. దిల్ రాజు గారు కూడా సినిమా అద్భుతంగా వచ్చినందని ఆఖరి ముప్పై నిముషాలు ఎక్స్ట్రార్డినరీ” అన్నారని చెబుతూ “ఆయన మాటకి సెన్సార్ సర్టిఫికెట్ అంత విలువ ఉందని” మాట తూలారు. దిల్ రాజు జడ్జిమెంట్ గురించి ఈనాడు కొత్తగా చెప్పేదేం లేదు. అయినా ఆయన మాటే సెన్సార్ సర్టిఫికెట్ అనడం “అతి” కాక మరేమిటి. ఆ మాటకి ఏ సర్టిఫికెట్ ఇస్తారో మరి. అయితే ఇక్కడ గమనించదగ్గ విషయమేమిటంటే.. ఈ సినిమా నిర్మాతలకు దిల్ రాజు అండదండలు మెండుగా ఉన్నాయి. ఇక అవి సినిమా వ్యాపారానికి ఎంత కీలకమో తెలియంది కాదు. ఆ నెపంతోనే నరేష్ రాజు గారిని ఆ విధంగా కీర్తించారా అని గుసగుసలాడుకుంటున్నారు కొందరు.

https://www.youtube.com/watch?v=akZICfXeqfQ