నవీన్‌.. కొత్తలో బాగుంటుంది.. ఎప్పుడూ అంటే కష్టమే

‘జాతి రత్నాలు’ సినిమా త్వరలో ప్రేక్షకుల ముందుకు వస్తోంది. ఈ క్రమంలో చిత్రబృందం ప్రచారం ప్రారంభించింది. టీవీ షోల్లో ‘జాతి రత్నాలు’ టీమ్‌ కనిపిస్తోంది. అన్ని టీవీ ఛానల్స్‌ను చుట్టేస్తూ ప్రచారం చేస్తున్నారు. దర్శకుడు అనుదీప్‌, హీరో నవీన్‌ పొలిశెట్టి, హీరోయిన్‌ ఫరియా, నటుడు ప్రియదర్శి కలసి, విడివిడిగా షోస్‌కు వస్తున్నాడు. ఇక్కడివరకు అంతా బాగుంది. అయితే ఈ కార్యక్రమాల్లో నవీన్‌ చేస్తున్న కామెడీ కాస్త బోర్‌ కొట్టించేస్తోంది. సినిమా ప్రచారం కోసం సినిమా గురించి చెబుతారు.

అందులో నటీనటులు, సాంకేతిక నిపుణుల గురించి చెబుతారు. కానీ నవీన్‌… ఓ సపరేట్‌ ట్రాక్‌ అనుకొని… దానినే కొనసాగిస్తున్నాడు. ‘ఈ షోకు వచ్చే ముందు వరకు తనను ఎవరూ పట్టించుకోలేదని.. ఇప్పటికైనా పట్టించుకోండి. ఇది ఇదీ నా టాలెంట్‌’ అంటూ ఓ డైలాగ్‌ వాడుతున్నాడు. దీని కోసం పక్కింటివాళ్లు, వాచ్‌మేన్‌, పని మనిషి.. అంటూ ఏవో పేర్లు చెప్పి తన క్యారెక్టర్‌ లేపుకుంటున్నాడు. తొలి షోకి ఇది ఓకే… ప్రతి షోలోనూ ఇదే అనేసరికి ప్రేక్షకులకు బోర్‌ కొట్టేస్తోంది.

సినిమా టీజర్‌, ట్రైలర్‌ చూస్తే… సినిమా మీద అంచనాలు బాగానే ఉన్నాయి. ఈలోగా నవీన్‌ ఇలాంటి ‘సెల్ఫ్‌’ కామెడీ చేస్తుండటం ఎందుకో. ఇలాంటి బోరింగ్‌… ప్రమోషన్స్‌ సినిమాలో ఉండకూడదు అని నెటిజన్లు కోరుకుంటున్నారు. అన్నట్లు… ‘క్యాష్‌’షోలో దర్శకుడు అనుదీప్‌ కామెడీ టైమింగ్‌ చూస్తే… మాత్రం సినిమాలో కామెడీ బాగా పండింది అనిపిస్తోంది. చూద్దాం.. ‘జాతి రత్నాలు’.. టాలీవుడ్‌ రత్నంగా మారుతుందా? లేదా?

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!