మలయాళ సూపర్‌హిట్‌ ‘లూసిఫర్‌’ను తెలుగులో చిరంజీవి చేస్తున్నారనే వార్త బయటికి వచ్చినప్పటి నుంచి… వినిపిస్తున్న పుకారు ఈ సినిమాలో నయనతార కూడా నటిస్తోందని. ఈ విషయంలో ఇటు చిత్రబృందం నుంచి, అటు నయనతార టీమ్‌ నుంచి ఎలాంటి స్పందన రాలేదు. కానీ ఆమె పాత్ర ఇదీ, అదీ అంటూ వార్తలైతే వస్తూ ఉన్నాయి. ఆమె పాత్ర కోసం సినిమా కథలో చిన్నపాటి మార్పులు చేస్తున్నారని కూడా వార్తలొచ్చాయి. ఆమెకు పారితోషికం కూడా గట్టిగానే ముట్టజెప్పుతున్నారని కూడా వార్తలొచ్చాయి. అయితే ఇప్పుడు మరో వార్త వినిపిస్తోంది.
‘లూసిఫర్‌’ రీమేక్‌లో నయనతార నటించడం లేదనేది తాజా వార్త. పాత్ర నిడివితోపాటు, ప్రాధాన్యతను దృష్టిలో పెట్టుకుని నయనతార ఈ సినిమాలో నటించడానికి నిరాకరించిందని అంటున్నారు. దీంతో చిరు – నయన్‌ కాంబోను మరోసారి చూద్దామని అనుకుంటున్న అభిమానుల ఆశలు అడియాసలు అయ్యేలా కనిపిస్తున్నాయి. అయితే ఇక్కడ వినిపిస్తున్న మరో విషయం ఆసక్తికరంగా మారింది. తొలుత నుంచి వినిపిస్తున్న పుకార్లలో నయనతార ఇందులో చిరంజీవి సోదరిగా కనిపిస్తుందని. అయితే అది నిజం కాదట.
‘లూసిఫర్‌’లో సోదరి పాత్ర చాలా కీలకం. హీరో తర్వాత సినిమా ఎక్కువ భాగంగా ఆ పాత్ర మీదనే ఉంటుంది. దీంతో నయన్‌ను ఆ పాత్ర కోసం తీసుకుందాం అనుకున్నరాట. అయితే అసలు నయన్‌ను సంప్రదించింది అందు కోసం కాదట. మాతృకలో లేని హీరోయిన్‌ పాత్రను సృష్టించి అందులో నయన్‌ను నటింపజేయాలని చిత్రబృందం చూసిందట. దానికి ఆమె అంగీకరించలేదని సమాచారం. దీంతో వేరే నాయిక/నటిని వెతికే పనిలో చిత్రబృందం పడిందట. ఈ విషయంలో మొత్తం క్లారిటీ కావాలంటే నయనతార మాత్రమే చెప్పగలుగుతుంది. లేదంటే చిత్రబృందం చెప్పాలి.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
Home