నయనతార ముద్దు రేటు ఎంతో తెలుసా?

దీపం ఉన్నప్పుడే ఇల్లు చక్కబెట్టుకోవాలి అన్న సామెతను చాలామంది తారలు అక్షరాల పాటిస్తుంటారు. అందమున్నపుడే నాలుగు రాళ్లు వెనకేసుకుంటుంటారు. డిమాండ్ ఉన్నప్పుడే ఎక్కువగా రెమ్యూనరేషన్ అడుగుతుంటారు. ఈ విషయంలో నయనతార ఒక ఆకు ఎక్కువగానే చదివింది. కథను బట్టి, స్కిన్ షోని బట్టి పారితోషికం ఫిక్స్ చేస్తోందట. ఈ ముద్దుగుమ్మ దర్శకుడిగా మారిన డాన్స్ మాస్టర్ ప్రభుదేవాను ప్రేమించి  పెళ్లి దాకా వెళ్ళింది. ఆఖరి నిముషంలో కథ అడ్డం తిరిగింది. వీరిద్దరూ విడిపోయారు. గతంలోనూ తమిళ నటుడు శింబు తో ప్రేమ బెడిసిగొట్టింది. ప్రభుదేవా సంఘటనతో డిప్రెషన్లోకి వెళ్లిన నయనతార త్వరగానే కోలుకుంది.

నటన పై దృష్టి పెట్టింది. చేసిన సినిమాలు విజయం సాధించడంతో బిజీ నటిగా మారిపోయింది. ప్రస్తుతం ఆమె తెలుగులో వెంకటేష్ తో కలిసి “బాబు.. బంగారం” సినిమాలో నటిస్తోంది. వీరిద్దరి కాంబినేషన్లో వచ్చిన లక్ష్మీ, తులసి చిత్రాలు హిట్ కావడంతో ఆన్ స్క్రీన్ హిట్ పెయిర్ మారారు. మారుతి తెరకెక్కిస్తున్న బాబు.. బంగారం సినిమాతో ఈ జోడి హ్యాట్రిక్ అందుకోనుంది. తమిళంలోనూ నాలుగు సినిమాలకు సైన్ చేసింది. సినిమాకు రెమ్యునరేషన్ రూ.1.5 కోట్లు తీసుకుంటోంది. కొంతకాలం క్రితం ఆమెను మెగాస్టార్ చిరంజీవి 150 వ సినిమా కోసం సంప్రదిస్తే మరో కోటి ఎక్కువగా అడిగిందట. ఎందుకని ఆరా తీస్తే చిత్రంలో బికినీతో కనిపించే సీన్ ఒకటి ఉందని..

ఆ సీన్ కోసం అదనంగా రూ.కోటి సమర్పించుకోవాలని చెప్పడంతో సదరు నిర్మాతలు మారు మాట్లాడకుండా వెనక్కి తగ్గారని సమాచారం. బిల్లా సినిమాలో బికిని తో నయన సినిమాకు క్రేజ్ ని తీసుకొచ్చిన సంగతి తెలిసిందే. తాజాగా శింబు సినిమాలో నయనతారను నటింప చేయడానికి తమిళ నిర్మాతలకు ఆమెను సంప్రదించారు. ఇందులో శింబు తో లిప్ లాక్ సీన్ ఉందని ముందుగానే ఆమెకు చెప్పారు. వల్లభ చిత్రంలో మాజీ ప్రియుడితో లిప్ లాక్ సీన్ జనాలకు బాగా నచ్చింది. నయన కూడా ఈ సీన్ కోసం 32 టేక్ లు తీసుకుంది. అందువల్ల ఈ సారి కూడా ఎగిరిగంతేసి ఒప్పుకుంటుందని భావించారు. కానీ నయనతార తన రెమ్యూనరేషన్ తో పాటు అదనంగా రూ.అర కోటి అడిగిందట. వామ్మో అని వెనక్కి వచ్చేసారు. ఈ సంఘటన తెలిసిన సినీ వర్గాల వారు “నయన తార జీవిత పాఠాలతో ఎంతో నేర్చుకున్నట్లు ఉంద”ని  చెప్పుకుంటున్నారు.