టాలీవుడ్ స్టార్ హీరోలలో ఒకరైన బాలకృష్ణ ఆహా ఓటీటీలో అన్ స్టాపబుల్ విత్ ఎన్బీకే టాక్ షోకు హోస్ట్ గా వ్యవహరిస్తున్నారు. బాలయ్య మోహన్ బాబుతో చేసిన మొదటి ఇంటర్వ్యూకు నెటిజన్ల నుంచి, బాలయ్య అభిమానుల నుంచి పాజిటివ్ రెస్పాన్స్ వచ్చింది. బాలకృష్ణ మోహన్ బాబు గురించి ఎవరికీ తెలియని కొన్ని సీక్రెట్లను ఈ షో ద్వారా ప్రేక్షకులకు తెలిసేలా చేశారు. బాలయ్య మోహన్ బాబు రాజకీయ చర్చలతో పాటు మందు ముచ్చట్లను సైతం పంచుకున్నారు.
దాదాపుగా 50 నిమిషాల నిడివితో తొలి ఎపిసోడ్ ప్రసారమైంది. అయితే ప్రధానంగా షో నిడివి కొంచెం పెంచితే బాగుంటుందని నెటిజన్లు భావిస్తున్నారు. సెలబ్రిటీలకు సంబంధించి రొటీన్ ప్రశ్నలను అడగకుండా ఆయా సెలబ్రిటీల గురించి పూర్తిస్థాయిలో కొత్త విషయాలను తెలిసేలా షోను రూపొందిస్తే బాగుంటుందని కొంతమంది అభిప్రాయపడుతున్నారు. ప్రోమోలో వివాదాస్పద అంశాలు ఉన్నట్టు టచ్ ఇచ్చినా షో మాత్రం భిన్నంగా ఉందని కొంతమంది కామెంట్లు చేస్తున్నారు. మరోవైపు బాలకృష్ణ వారసత్వ రాజకీయాలకు వ్యతిరేకంగా టీడీపీ పగ్గాలు చేపట్టలేదని చెప్పగా చంద్రబాబు వారసుడిగా లోకేష్ ను తీసుకురావడాన్ని సమర్థిస్తారా?
అని కొందరు నెగిటివ్ కామెంట్లు చేస్తున్నారు. బాలయ్య తన గురించి విమర్శలు వ్యక్తం కాకుండా జాగ్రత్తలు తీసుకోవాలని ఫ్యాన్స్ కోరుకుంటున్నారు. ప్రేక్షకులకు మరింత ఎక్కువ ఎంటర్టైన్మెంట్ ఉండేలా చిన్నచిన్న మార్పులు చేస్తే మాత్రం ఈ షో పెద్ద హిట్ అవుతుందని నెటిజన్లు కామెంట్లు చేస్తుండటం గమనార్హం. షోకు హాజరయ్యే గెస్టుల వివరాలు లీక్ కాకుండా జాగ్రత్తలు తీసుకోవాలని నెటిజన్లు అన్ స్టాపబుల్ షో నిర్వాహకులను కోరుతున్నారు.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
