భరత్ అనే నేనుకి బాగా కలిసొచ్చిన కొత్త సినిమాలు

రామ్ చరణ్ ‘రంగస్థలం’ మార్చి 30న విడుదలయ్యాక మళ్ళీ ఏప్రిల్ 20న ‘భరత్ అనే నేను’ విడుదలయ్యేవరకూ మరో సినిమా ఏదీ గట్టి పోటీ ఇవ్వలేకపోవడంతో బాక్సాఫీస్ ను రామ్ చరణ్ ర్యాంప్ ఆడేశాడు. ‘భరత్ అనే నేను‘ రిలీజ్ తో కలెక్షన్స్ కాస్త తగ్గాయి. ఇప్పుడు మళ్ళీ మహేష్ బాబుకి కూడా రామ్ చరణ్ లాగే కలిసొచ్చింది. “రంగస్థలం” అనంతరం విడుదలైన “చల్ మోహనరంగ, కృష్ణార్జున యుద్ధం” చిత్రాలు ఫ్లాపయ్యాయో.. అదే తరహాలో “భరత్ అనే నేను” విడుదలైన వారం తర్వాత వచ్చిన “కణం, ఆచారి అమెరికా యాత్ర” సినిమాలు ప్రేక్షకుల్ని ఇంప్రెస్ చేయడంలో దారుణంగా ఫెయిల్ అయ్యాయి.

దాంతో ఈవారం కూడా ప్రేక్షకులకు ఉన్న ఏకైక ఆప్షన్ “భరత్ అనే నేను”. కాకపోతే.. హాలీవుడ్ యాక్షన్ ఎంటర్ టైనర్ “ఎవెంజర్స్” మాత్రం ఓవర్సీస్ & మెట్రో సిటీస్ లో బిజినెస్ కాస్త దెబ్బతీసింది. అయినప్పటికీ “భరత్ అనే నేను” మంచి హౌస్ ఫుల్ కలెక్షన్స్ తో దూసుకుపోతోంది. ఈ చిత్రం తప్పకుండా “నా పేరు సూర్య” విడుదలయ్యేలోపు రెండొందల కోట్ల రూపాయల గ్రాస్ కలెక్ట్ చేయడం ఖాయమని ట్రేడ్ పండిట్స్ విశ్లేషిస్తున్నారు.