మలయాళంలో భారీ విజయం అందుకున్న ‘డ్రైవింగ్‌ లైసెన్స్‌’ను తెలుగులో రీమేక్‌ చేస్తారని చాలా రోజుల నుండి వార్తలొస్తున్నాయి. అంతేకాదు రామ్‌చరణ్‌ ఆ సినిమా రైట్స్‌ కొనుక్కున్నాడని… కూడా వార్తలొస్తున్నాయి. ఈ విషయంలో ఎలాంటి స్పష్టత రాలేదు. చాలా రోజుల నుండి ఈ విషయంలో వార్తలు కూడా లేవు. అయితే ఇప్పుడు చాలా రోజుల తర్వాత సినిమా ముచ్చట మళ్లీ బయటకు వచ్చింది. ఇందులో హీరోగా రామ్‌చరణ్‌ నటించడట. కేవలం నిర్మాతగా మాత్రమే ఉంటాడట.
‘డ్రైవింగ్‌ లైసెన్స్‌’ సినిమా కథ చూస్తే… ఓ హీరోకు, ఆర్టీవో అధికారికి మధ్య నడి ఇగో క్లాష్‌. దీంతో సినిమాలో హీరో పాత్రను రామ్‌చరణ్‌ పోషించి… ఆర్టీవో అధికారి పాత్ర ఇంకొక యంగ్‌ హీరోకు ఇస్తారేమో అనుకున్నారు. అయితే అసలు ఇప్పుడు ఇందులో రామ్‌చరణ్‌ నటించడని తేల్చేశాడట. అంతేకాదు ఆ రెండు పాత్రలకు రవితేజ, విజయ్‌ సేతుపతి అయితే బాగుంటుందని అనుకుంటున్నాడట. అన్నీ అనుకున్నట్లుగా జరిగితే త్వరలో దీనిపై అధికారిక ప్రకటన వస్తుందట.
అయితే ఇందులో హీరో పాత్ర ఎవరు వేస్తారు, ఆర్టీవో అధికారి ఎవరు అనే విషయంలో స్పష్టత లేదు. అయితే రవితేజ హీరోగానూ, విజయ్‌ సేతుపతి అర్టీవో అధికారిగానూ కనిపిస్తాడని వార్తలొస్తున్నాయి. మరి దీనిపై స్ఫష్టత ఎప్పటికి వస్తుందో చూడాలి. ఒకవేళ ఈ సినిమా మెటీరియలైజ్‌ అయితే రామ్‌చరణ్‌ ప్రొడ్యూస్‌ చేయబోతున్న తొలి ఇతర హీరో సినిమా ఇదే అవుతుంది.
Most Recommended Video
శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!
