స్టార్ హీరో రామ్ చరణ్ ఆర్ఆర్ఆర్ సినిమా పూర్తైన వెంటనే శంకర్ సినిమాలో నటించాలని భావిస్తున్న సంగతి తెలిసిందే. అయితే ఈ సినిమాకు సమస్యలు ఇంకా తీరలేదని తెలుస్తోంది. శంకర్ భారతీయుడు2 సినిమాను మొదలుపెట్టి కొన్ని కారణాల వల్ల శంకర్ ఆ సినిమాను మధ్యలో వదిలేసిన సంగతి తెలిసిందే. కోర్టులో శంకర్ కు అనుకూలంగా తీర్పు వచ్చినా లైకా సంస్థ ఇతర మార్గాల ద్వారా చరణ్ శంకర్ మూవీని అడ్డుకునే ప్రయత్నం చేస్తున్నట్టు తెలుస్తోంది.
నిర్మాతల మండలి తాజాగా కరోనా క్రైసిస్ వల్ల చివరి దశలో ఉన్న సినిమాలను పూర్తి చేయాలని ఆ సినిమాలు రిలీజయ్యే వరకు కొత్త సినిమాలను మొదలుపెట్టకూడదని ప్రతిపాదన పెట్టింది. ఈ రూల్ ను అడ్డం పెట్టుకుని చరణ్ శంకర్ సినిమాకు ఇబ్బందులు క్రియేట్ చేయాలని లైకా సంస్థ భావిస్తున్నట్టు తెలుస్తోంది. శంకర్ పై ఈ రూల్ వల్ల ఒత్తిడి పెరుగుతోందని తెలుస్తోంది. దిల్ రాజు లేదా శంకర్ లైకా సంస్థతో రాజీకి వస్తే ఈ సమస్య పరిష్కారం అయ్యే అవకాశాలు అయితే ఉంటాయి.
లైకా శంకర్ చరణ్ ప్రాజెక్ట్ విషయంలో దిల్ రాజుపై కూడా పరోక్షంగా ఒత్తిడిని పెంచుతోందని తెలుస్తోంది. షూటింగ్ మొదలుకాకముందే సమస్యను పరిష్కరించుకుంటే మంచిదని చరణ్ ఫ్యాన్స్ భావిస్తున్నారు. వివాదాల వల్ల సినిమా రిజల్ట్ పై కూడా ప్రభావం పడే అవకాశం అయితే ఉంటుందని చరణ్ ఫ్యాన్స్ కామెంట్లు చేస్తుండటం గమనార్హం. సెప్టెంబర్ లో చరణ్ శంకర్ మూవీ షూటింగ్ ప్రారంభం కానుండగా అప్పటికి లైకా సంస్థతో శంకర్ వివాదాన్ని పరిష్కరించుకుంటారేమో చూడాల్సి ఉంది.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
