Pawan Kalyan: చాలా రోజుల కెమెరా కంటిలో పడిన పవన్‌ ఫ్యామిలీ.. ఎక్కడికి వెళ్తున్నారంటే?

April 3, 2023 / 02:07 PM ISTByFilmy Focus

Join Us

Pawan Kalyan: చాలా రోజుల కెమెరా కంటిలో పడిన పవన్‌ ఫ్యామిలీ.. ఎక్కడికి వెళ్తున్నారంటే?

రాజకీయాలు, సినిమాలతో బిజీబిజీగా ఉన్న పవన్‌ కల్యాణ్‌.. కుటుంబానికి కూడా టైమ్‌ను కేటాయిస్తూ పక్కాగా ప్లాన్‌ చేసుకుంటున్నారు. ఈ క్రమంలో సమ్మర్‌ వెకేషన్‌ కోసం బయటకు వెళ్లారు. దీనికి సంబంధించిన ఓ వీడియో ఇప్పుడు సోషల్‌ మీడియాలో వైరల్‌ అవుతోంది. భార్య అన్నా లెజ్నోవా, పిల్లలతో కలసి టూర్‌కి వచ్చినప్పుడు ఎయిర్‌పోర్ట్‌లో ఉన్న వీడియో అది. అందులో కుమార్తె పొలేనా అంజన పవనోవా, కుమారుడు మార్క్ శంకర్ పవనోవిచ్‌ కూడా ఉన్నారు.

సోషల్‌ మీడియాలో ఉన్న సమాచారం ప్రకారం.. ఆ వీడియో ఉదయ్ పూర్ ఎయిర్ పోర్ట్‌లో షూట్‌ చేశారు. అందులో పవన్ కళ్యాణ్ తన ఫ్యామిలీతో వెళుతున్న దృశ్యాలు కనిపిస్తున్నాయి. సమ్మర్‌ షార్ట్‌ వెకేషన్‌ కోసం పవన్‌ రాజస్థాన్‌ వచ్చాడు అని అంటున్నారు. అయితే సమ్మర్‌ వెకేషన్‌ కోసం అక్కడకు వెళ్లడం ఏంటి అనే ప్రశ్న కూడా తలెత్తుతోంది. ఆ విషయాలు పక్కనపెడితే బుడ్డో మార్క్‌ శంకర్‌ పవనోవిచ్‌ ఈ వీడియోలో హైలైట్‌గా నిలిచాడు.

పవన్ కల్యాణ్ కుర్తా పైజమాలో కనిపించగా.. ఆయన భార్య, పిల్లలు మోడరన్ డ్రెస్‌లో ఉన్నారు. తల్లి లెజ్నోవా చేయి పట్టుకుని మార్క్ శంకర్ బుడి బుడి అడుగులతో సందడి చేశాడు. ఈ దృశ్యాలు పవన్ ఫ్యాన్స్‌ను ఆకట్టుకుంటున్నాయి. మార్క్ శంకర్‌ను హైలైట్‌ చేస్తూ వీడియో క్లిప్పింగ్‌, ఫోటోలు వైరల్ అవుతున్నాయి. అయితే పవన్‌ వరుస షూటింగ్‌లు, రాజకీయ కార్యక్రమాలు ఉన్న ఈ సమయంలో పవన్‌ వెళ్లింది విహారయాత్రకేనా లేకపోతే ఉదయ్‌పూర్‌లో ఏదైనా కార్యక్రమంలో పాల్గొనడానికా అనేది చర్చగా మారింది.

ఇక పవన్‌ (Pawan Kalyan) సినిమాల సంగతి చూస్తే.. ‘వినోదాయ చిత్తాం’ రీమేక్‌ పనులు పూర్తి చేసుకున్నారు. త్వరలో ‘ఉస్తాద్‌ భగత్‌ సింగ్‌’, ‘ఓజీ’ షూటింగ్‌ మొదలవుతుంది అని చెబుతున్నారు. అయితే ‘హరి హర వీరమల్లు’ సినిమా షూట్‌ కూడా స్టార్ట్‌ అవుతుంది అని చెబుతున్నారు. ఎనిమిదో తేదీ తర్వాత ఈ విషయంలో క్లారిటీ వస్తుంది అని చెబుతున్నారు.