స్టార్ డైరెక్టర్ రాజమౌళి 2022 సంవత్సరం జనవరి 7వ తేదీన రిలీజ్ కానున్న ఆర్ఆర్ఆర్ మూవీ ప్రమోషన్స్ విషయంలో వేగం పెంచారనే సంగతి తెలిసిందే. ఇప్పటికే ఈ సినిమా నుంచి రెండు పాటలు రిలీజ్ కాగా ఈ నెల 26వ తేదీన ఈ సినిమా నుంచి మరో సాంగ్ రిలీజ్ కానుంది. ఈ సినిమా థియేట్రికల్ ట్రైలర్ కోసం ప్రేక్షకులు ఎదురు చూస్తుండగా వచ్చే నెల 4వ తేదీన ఆర్ఆర్ఆర్ థియేట్రికల్ ట్రైలర్ రిలీజయ్యే ఛాన్స్ ఉందని తెలుస్తోంది.
ఆర్ఆర్ఆర్ ట్రైలర్ ప్రేక్షకులకు గూస్ బంప్స్ వచ్చేలా ఉండనుందని ప్రచారం జరుగుతోంది. ట్రైలర్ ట్రీట్ కు సంబంధించి మేకర్స్ త్వరలో ఒక పోస్టర్ ద్వారా ప్రకటన చేయనున్నారని సమాచారం. చరణ్, ఎన్టీఆర్ ఆర్ఆర్ఆర్ లో హీరోలుగా నటిస్తుండగా అలియా భట్, ఒలీవియా మోరిస్ ఈ సినిమాలో హీరోయిన్లుగా నటిస్తున్నారు. అజయ్ దేవగణ్, శ్రియసరన్, సముద్రఖని ఈ సినిమాలో కీలక పాత్రల్లో నటిస్తున్నారు. ఆర్ఆర్ఆర్ సినిమా ప్రేక్షకుల అంచనాలను మించి ఉండనుందని ఇప్పటికే తారక్ వెల్లడించారు.
రాజమౌళి బాహుబలి2 సినిమాను మించి ఆర్ఆర్ఆర్ సక్సెస్ సాధించే విధంగా ప్రణాళికలను సిద్ధం చేసుకుంటున్నారు. నిర్మాత డీవీవీ దానయ్యకు రిలీజ్ కు ముందే భారీ లాభాలను అందించిన ఆర్ఆర్ఆర్ రిలీజైన తర్వాత ఏ స్థాయిలో సక్సెస్ సాధిస్తుందో చూడాల్సి ఉంది. ఎంతో కష్టపడి అల్లూరి సీతారామరాజు, కొమురం భీమ్ పాత్రల్లో నటించిన చరణ్, తారక్ ఈ సినిమాతో కష్టానికి తగిన ఫలితం దక్కుతుందని అభిప్రాయపడుతున్నారు.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
