పవన్ సరసన నిధి అగర్వాల్..?

పవర్ స్టార్ పవన్ కళ్యాణ్ రీఎంట్రీలో వరుసబెట్టి సినిమాలు చేస్తోన్న సంగతి తెలిసిందే. ప్రస్తుతం ‘వకీల్ సాబ్’ అలానే క్రిష్ సినిమాలు షూటింగ్ దశలో ఉన్నాయి. క్రిష్ సినిమా కోసం కొన్ని రోజులు షూటింగ్ లో పాల్గొన్నాడు పవన్. కానీ కొన్ని కారణాల వలన షూటింగ్ కి బ్రేక్ పడింది. మళ్లీ షూటింగ్ మొదలుకావడానికి కాస్త సమయం పట్టేలా ఉంది. అయితే ఇప్పటివరకు సినిమాలో హీరోయిన్ ఎవరనే దానిపై క్లారిటీ రాలేదు. కానీ ఇప్పుడు పవన్ సరసన యంగ్ హీరోయిన్ నటిస్తోందనే ప్రచారం జరుగుతోంది.

ఆ హీరోయిన్ మరెవరో కాదు.. నిధి అగర్వాల్. తెలుగులో ‘సవ్యసాచి’, ‘మిస్టర్ మజ్ను’ వంటి సినిమాల్లో నటించిన నిధి.. ‘ఇస్మార్ట్ శంకర్’ సినిమాతో సక్సెస్ అందుకుంది. ఇప్పుడు ఈ బ్యూటీకి పవన్ సినిమాలో నటించే ఛాన్స్ వచ్చిందంటూ సోషల్ మీడియాలో ప్రచారం జరుగుతోంది. ఈ వార్తల్లో ఎంతవరకు నిజముందో కానీ పవన్ సరసన నిధి అనగానే జనాలకు పెద్దగా నచ్చడం లేదనిపిస్తుంది. పవన్ పక్కన ఆమె సూట్ కాదనే కామెంట్స్ వినిపిస్తున్నాయి.

ఇప్పటివరకు యంగ్ హీరోల పక్కన నటిస్తూ.. తన గ్లామర్ తో నెట్టుకొస్తోన్న ఈ బ్యూటీకి పవన్ సినిమాలో నటించేంత టాలెంట్ ఉందా..? అనే ప్రశ్నలు కూడా తలెత్తుతున్నాయి. మరి ఈ వార్తలపై క్రిష్ స్పందిస్తాడేమో చూడాలి. ఈ సినిమాలో మరో హీరోయిన్ గాజాక్వెలిన్ ఫెర్నాండెజ్ కనిపించనుందని టాక్. షూటింగ్ విషయానికొస్తే.. డిసెంబర్ లో ఈ సినిమా కోసం పవన్ ఇరవై రోజులు కాల్షీట్లు ఇచ్చాడని అంటున్నారు. అయితే అదే సమయంలో నీహారిక పెళ్లి కూడా ఉండడంతో.. పవన్ ఎలా మ్యానేజ్ చేస్తాడో చూడాలి!

Most Recommended Video

మిడిల్ క్లాస్ మెలోడీస్ సినిమా రివ్యూ & రేటింగ్!
అనగనగా ఓ అతిధి సినిమా రివ్యూ & రేటింగ్!
రెండు చేతులా సంపాదిస్తున్న 13 హీరోయిన్లు..వీళ్లది మామూలు తెలివి కాదు..!