స్వామిరారా, కార్తికేయ, సూర్య వర్సెస్‌ సూర్య’ చిత్రాలతో హ్యా ట్రిక్‌ కొట్టిన నిఖిల్‌కు ఎన్నో అం చనాల మధ్య వచ్చిన “శంకరాభరణం’ చిత్రం ఆశలపై నీళ్లు చల్లింది. దాంతో తాను చేస్తున్న చిత్రానికి మరిన్ని ఎక్కువ జాగ్రత్తలు తీసుకుంటున్నారు. వి.ఐ. ఆనంద్‌ దర్శకత్వంలో రూపుదిద్దుకుంటున్న ఈ చిత్రంలో నిఖిల్ సరసన ముగ్గురు కథానాయికలు నటిస్తున్నారు. ఓ పక్క ఇది నిర్మాణంలో ఉండగానే తన తర్వాతి చిత్రాలకు ఆయన ప్లాన్‌ చేసుకుంటున్నారని అంటున్నారు. లోగడ తనకు హిట్ చిత్రాలను అందించిన దర్శకులతో మళ్లీ చిత్రాలు చేసేందుకు సమాయత్తమవుతున్నట్లు సమాచారం. వీలువెంబడి ఈ చిత్రాలు మొదలవుతాయని పరిశ్రమ వర్గాల భోగట్టా.
“స్వామిరారా’ వంటి హిట్ చిత్రాన్ని అందించిన సుధీర్‌వర్మ దర్శకత్వంలో ఓ చిత్రాన్ని, అలాగే “కార్తికేయ’ వంటి విజయవంతమైన చిత్రాన్ని తీసిన చందు మొండేటి దర్శకత్వంలో ఓ చిత్రం చేయాలని నిఖిల్ నిర్ణయించుకున్నారట. ప్రస్తుతం నాగచైతన్య కథానాయకుడిగా చందు మొండేటి “ప్రేమమ్‌’ చిత్రాన్ని రూపొందిస్తున్న సంగతి తెలిసిందే. ఈ ఇద్దరు దర్శకులకు ఉన్న కమిట్‌మెంట్లు పూర్తికాగానే వారు నిఖిల్‌తో చిత్రాలు చేస్తారని పరిశ్రమలో వినిపిస్తోంది.
