మెగాస్టార్ చిరంజీవి తన 150వ సినిమా కోసం కసరత్తులు చేస్తున్నాడు. అయితే గత కొంత కాలంగా చిరంజీవి 150వ సినిమా కథ మారుతుందని.. వినాయ‌క్ కత్తి స్థానంలో ఓ కొత్త కథ రాసుకొచ్చాడని.. కొన్ని మాటలు వినిపిస్తున్నాయి.
ప్ర‌స్తుతం చిరు అభిమానుల్ని వేధిస్తున్న ప్ర‌శ్న‌లివి. 150వ చిత్రంగా కత్తి రీమేక్ చేయ‌డానికి రంగం సిద్ధ‌మైన సంగ‌తి తెలిసిందే. అయితే ఈలోగా ఓ గాసిప్ బ‌య‌ట‌కు వ‌చ్చింది. కత్తి క‌థ‌ని ప‌క్క‌న పెట్టేశార‌ని, కొత్త కథ తెర‌కెక్క‌బోతంద‌న్న‌ది ఆ గాసిప్ సారాంశం. కత్తి క‌థ‌లో ఎంట‌ర్‌టైన్‌మెంట్ మిస్స‌యిపోయింద‌ని, పైగా ఆ కథ అంద‌రికీ తెలిసిపోయింద‌ని, ఇప్పుడు తీస్తే కిక్ ఉండ‌ద‌ని చిరు భావించాడ‌ని, అందుకే వినాయ‌క్ మ‌రో కథ రెడీ చేశాడ‌ని చెబుతున్నారు.
అయితే ఈ పుకార్ల‌ను కత్తి టీమ్ కొట్టి పారేసింది. కత్తి రీమేక్ ఖాయ‌మ‌ని, అయితే అందులో చిరంజీవి శైలికి త‌గిన మార్పులు జ‌రిగాయ‌ని వినాయ‌క్ స‌న్నిహితులు చెబుతున్నారు.
Home