జూబ్లీహిల్స్.. బంజారాహిల్స్.. బంగారు కొండలుగా కాకముందు.. రాళ్లు రప్పలతో నిండి ఉండేది. చెన్నై నుంచి సినీ పరిశ్రమ హైదరాబాద్ కి తరలి వచ్చినప్పుడు జూబ్లీహిల్స్ ప్రాంతంలో విసిరిపారేసినట్టు అక్కడక్కడా ఇల్లు ఉండేవి. ఈ ప్రాంతంలో మనదర్శకులు కొన్ని సన్నివేశాలను తెరకెక్కించేవారు. ఆనాటి జూబ్లీహిల్స్ ప్రాంతాన్ని చాల తక్కువమంది మాత్రమే చూసారు. అందుకే ఆనాడు ఈ ఏరియా ఎలా ఉండేదో నాగార్జున ఓ ఫోటో ద్వారా చెప్పారు.
నేడు పోస్ట్ చేసిన ఫొటోలో ఒక పక్కా కేబీఆర్ పార్కు ప్రహారీ.. రెండో సైడ్ ఖాళీగా ఉన్న ప్రాంతం. (ఇక్కడే అన్నపూర్ణ స్టూడియో కట్టారు.) ఇక మధ్య కారులో లెజెండ్స్ అక్కినేని నాగేశ్వరరావు, నందమూరి తారకరామారావు ఉన్నారు. ఆ ఫోటోను చూసిన నెటిజన్లు లైకులు కొడుతున్నారు. అప్పుడు జూబ్లీహిల్స్ ఇలా ఉండేదా? అని ఆశ్చర్యపోతున్నారు. ఇంకా కొంతమంది ఎన్టీఆర్, ఏఎన్నార్ అభిమానులు ఈ స్టిల్ ఏ సినిమాలోనిదా? అని ఆరా తీస్తున్నారు. సత్యం శివం, రామకృష్ణులు సినిమాలోది కావచ్చని అంచనా వేస్తున్నారు. అందుకు సరైన ఆన్సర్ నాగార్జునే చెప్పాలి.
