జ్వరం ఉన్నా డ్యాన్స్ వేస్తున్న ఎన్టీఆర్

యంగ్ టైగర్ ఎన్టీఆర్ యాక్షన్ సన్నివేశాలలో ఎంత పవర్ ఫుల్ గా నటిస్తారో .. అంతకంటే ఎనర్జిటిక్ గా డాన్సు వేస్తారు. ఆ విషయాన్ని దృష్టిలో పెట్టుకుని సంగీత దర్శకులు పాటలు కంపోజ్ చేస్తారు. ప్రస్తుతం ఎన్టీఆర్ కొరటాల శివ దర్శకత్వంలో నటిస్తున్న సినిమా జనతా గ్యారేజీ. ఈ సినిమాకు రాక్ స్టార్ దేవీ శ్రీ ప్రసాద్ అద్భుతమైన పాటలు అందించారు. ఇందులో ఒక పాట చిత్రీకరణ కోసం అన్నపూర్ణ స్టూడియో ఫ్లోర్ లో నాలుగు భారీ సెట్స్ వేశారు.

నిన్నటి నుంచి శేఖర్ మాస్టర్ కొరియోగ్రఫీలో ఎన్టీఆర్ సాంగ్ షూటింగ్లో పాల్గొంటున్నారు. యంగ్ టైగర్ జ్వరంతో బాధపడుతున్నాషూటింగ్ ఆపలేదని చిత్ర బృందం తెలిపింది. ఈ సినిమాను ఎలాగైనా ఆగస్టు 12న రిలీజ్ చేయాలనే ఉద్దేశంతో ఎన్టీఆర్ పెయిన్ కిల్లర్ మందులు వేసుకుని ఉత్సాహంగా డ్యాన్స్ చేస్తున్నారని వెల్లడించింది. మైత్రి మూవీ మేకర్స్ నిర్మిస్తున్న జనతా గ్యారేజీలో సమంత, నిత్యమీనన్ హీరోయిన్లుగా, మలయాళ నటుడు మోహన్ లాల్ కీలక పాత్రలో నటిస్తున్నారు.