మహానటుడు పాత్ర తారక్ చేయడం లేదు

అభినేత్రి సావిత్రి జీవిత కథ ఆధారంగా నాగ్ అశ్విన్ దర్శకత్వంలో ‘మహానటి’ అనే సినిమా రూపుదిద్దుకుంటోంది. సావిత్రిగా కీర్తిసురేష్ నటిస్తుండగా, సమంత కీలక పాత్రలో కనిపించనున్నారు. వైజయంతి మూవీస్ బ్యానర్ పై నిర్మితమవుతున్న ఈ సినిమాలో జెమినీ గణేషన్ పాత్రకు యువ నటుడు దుల్కర్ సల్మాన్ ను చిత్ర బృందం ఎంపిక చేసిన సంగతి తెలిసిందే. ఇక మహానటుడు ఎన్టీఆర్ పాత్రలో ఆయన మనవుడు ఎన్టీఆర్ నటిస్తున్నట్లు కొన్ని రోజులుగా వార్తలు వినిపించాయి. దీంతో నందమూరి అభిమానులు చాలా ఆనందపడ్డారు.

అలనాటి ఎన్టీఆర్ గా నేటి ఎన్టీఆర్ ని చూసుకోవచ్చని సంబరపడ్డారు. కానీ వారందరినీ ఎన్టీఆర్ నిరుత్సాహపరిచారు. ఆ వార్తలను తారక్ పీఆర్ టీమ్ ఖండించింది. ఈ చిత్రంలో తారక్ నటించడం లేదని స్పష్టం చేసింది. మరి అలనాటి ఎన్టీఆర్ గా ఎవరు నటిస్తారనే ఆసక్తి ఏర్పడింది. మొదటి షెడ్యూల్ ని విజయవంతంగా పూర్తి చేసిన నాగ్ అశ్విన్,  గండిపేటలో జరుగుతున్న రెండో షెడ్యూల్ ని పూర్తి చేసేపనిలో ఉన్నారు.

Also, do SUBSCRIBE to our YouTube channel to get latest Tollywood updates.