ఎన్టీఆర్ కి వార్నింగ్ ఇచ్చిన వారెవరు?

బాబీ దర్శకత్వంలో ఎన్టీఆర్ నటిస్తున్న జై లవ కుశ షూటింగ్ వేగంగా జరుగుతోంది. జనతా గ్యారేజ్ తర్వాత చాలా గ్యాప్ రావడంతో చకచకా సినిమాని పూర్తి చేయాలనీ తారక్ శ్రమిస్తున్నారు. అయితే ఈ మూవీ విషయంలో ఎన్టీఆర్ కి వార్నింగ్ ఇచ్చారని వార్త ప్రస్తుతం ఫిలిం నగర్లో చక్కర్లు కొడుతోంది. ఎవరు, ఎందుకు తారక్ కి  వార్నింగ్ ఇచ్చారని ఆరా తీస్తే అసలు విషయం బయటపడింది. ఎన్టీఆర్ 27 మూవీ రిచ్ గా ఉండాలని  నిర్మాత కళ్యాణ్ రామ్ బాలీవుడ్, హాలీవుడ్ టెక్నీషియన్లను తీసుకున్నారు. అదే విధంగా విలన్ గా కన్నడలో వివాదాస్పద నటుడిగా గుర్తింపు తెచ్చుకున్న దునియా విజయ్ ని సెలక్ట్ చేశారు.

కొన్ని రోజుల క్రితం ఇద్దరి ఫైటర్లు రిజర్వాయర్ లో దూకి చనిపోయిన సంఘటనతో బ్యాన్ కి గురి అయిన విజయ్ ని ఎన్టీఆర్ తన మూవీలో పెట్టుకోవడంపై కన్నడ పరిశ్రమ తీవ్రంగా పరిగణించింది. ఈ విషయంపై కన్నడ సినీ పెద్దలు బహిష్కరించిన నటుడిని మీరెలా తీసుకుంటారని?.. నిర్మాత కళ్యాణ్ రామ్,ఎన్టీఆర్ లను  ప్రశ్నించినట్లు తెలిసింది. ఇప్పటికైనా నిర్ణయం మార్చుకోమని సలహా ఇచ్చారట. మ‌రి దునియా విజ‌య్‌ను ఎన్టీఆర్ త‌న సినిమాలో కంటిన్యూ చేస్తాడా ? లేదా ? అనే విషయం త్వరలోనే తెలియనుంది.

Also, do SUBSCRIBE to our YouTube channel to get latest Tollywood updates.