కోలీవుడ్ లోనే కాకుండా టాలీవుడ్ లోను మంచి ఫాలోయింగ్ ఉన్న నటుడు సూర్య. అతను నటించిన గజిని, సింగం, 24 సినిమాలు ఇక్కడ మంచి కలక్షన్స్ సాధించాయి. ఇప్పుడు సింగం 3 తో వచ్చేందుకు సిద్ధమవుతున్నారు. మాస్ దర్శకుడు హరి తెరకెక్కించిన ఈ సినిమాను మొదట డిసెంబర్ 16న విడుదల చేయాలనుకున్నారు. మెగా పవర్ స్టార్ రామ్ చరణ్ తాజా చిత్రం 9 న రిలీజ్ అవుతుండడంతో థియేటర్ల కొరత వస్తుందని డిసెంబర్ 23కు పోస్ట్ పోన్ చేశారు. ఈ విషయాన్నీ స్వయంగా సూర్యనే చెప్పారు. విలేకరుల సమావేశంలో ఆయన మరిన్ని సంగతులను వెల్లడించారు.
” ‘సింగం 3’ ఎక్కువ భాగం వైజాగ్, నెల్లూరులోనే షూటింగ్ జరుపుకుంది. అప్పట్లో ఆంధ్రప్రదేశ్ కి ముఖ్యమంత్రిగా పనిచేసిన ఎన్టీఆర్తో ఈ సినిమాకు చిన్న సంబంధం ఉంది” అని సూర్య చెప్పారు. “మహానేత అప్పుడు ఓ సమస్య పరిష్కారానికి పోరాడారని, అదే తమ కథలో కీలక పాయింటని తెలిపారు. ఆ విషయాన్నీ చెప్పడానికి మాత్రం నిరాకరించారు. అదేంటో వెండితెర పైనే చూసి తెలుసుకోవాలని సినిమాపై ఆసక్తిని పెంచారు. సింగం, సింగం 2 లో ప్రధాన హీరోయిన్ గా నటించిన అనుష్క సింగం 3 లోను అలరించనుంది. ఆమెకు అదనంగా ఇందులో శృతిహాసన్ అందాలు ఆరబోయనుంది. ఈ సీరీస్ లో వచ్చిన రెండు చిత్రాలు సూపర్ హిట్ కావడంతో మూడోది కూడా బ్లాక్ బస్టర్ అవుతుందని చిత్ర బృందం భావిస్తోంది.
Also, do SUBSCRIBE to our YouTube channel to get latest Tollywood updates.
