నెగటివ్ రోల్ చేయనున్న ఎన్టీఆర్

దుర్యోధనుడు, రావణుడు వంటి నెగటివ్ షేడ్స్ ఉన్న వ్యక్తులకు సైతం తన నటనతో మహానటుడు నందమూరి తారక రామారావు హీరోయిజాన్ని ఇచ్చారు. ఆ మహానటుడి ఆశీస్సులతో చిత్ర పరిశ్రమలో దూసుకు పోతున్న నటుడు జూనియర్ ఎన్టీఆర్. ఇప్పటివరకు హీరో పాత్రలకే పరిమితమయిన తారక్ తొలిసారి విలన్ గా కనిపించనున్నారు. జనతాగ్యారేజ్ తర్వాత బాబీ దర్శకత్వంలో చేస్తున్న 27 మూవీలో ఎన్టీఆర్ మూడు పాత్రలో కనిపించనున్నారు. ఇందులో ఒకటి పూర్తిగా నెగిటివ్ షేడ్స్ ఉన్న పాత్ర అని టాలీవుడ్ వర్గాలు తెలిపాయి. ఎన్టీఆర్ ఆర్ట్స్ బ్యానర్లో కళ్యాణ్ రామ్ భారీ బడ్జెట్ తో నిర్మిస్తున్న ఈ చిత్రం ఫిబ్రవరి 10 నుంచి సెట్స్ మీదకు వెళ్లనుంది.

తారక్ ని మూడు పాత్రల్లో భిన్నంగా చూపించడానికి బాలీవుడ్ కెమెరా మెన్ సీ కే మురళీధరన్ ని తీసుకున్నారు. ఎన్టీఆర్ నటనకు తోడు అవార్డు విన్నింగ్ సినిమాటోగ్రాఫర్ పనితనం కలిసి అభిమానులకు కనుల విందు చేయనున్నట్లు చిత్ర బృందం వెల్లడించింది. ముగ్గురు హీరోయిన్లు నటిస్తున్న ఈ చిత్రంలో లక్ష్మి రాయ్ ఐటెం సాంగ్ తో అదరగొట్టనుంది. విలన్ గా ఎన్టీఆర్ ఎంత మేర మెప్పిస్తారోనని అందరూ ఆసక్తిగా ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.