యంగ్ టైగర్ ఎన్టీఆర్ కి మాస్ లో మంచి ఫాలోయింగ్ ఉంది. అయినా అని వర్గాల ప్రజలను ఆకట్టుకోవాలని ఉద్దేశంతో విభిన్న కథలతో సినిమాలు చేశారు. అలాంటి స్టోరీలతో వచ్చిన నాన్నకు ప్రేమతో, జనతా గ్యారేజ్ చిత్రాలు మంచి విజయాన్ని అందుకున్నాయి. అయితే మాస్ అభిమానులు మాత్రం వాటితో తృప్తిగా లేరని తెలుసుకున్న తారక్ ఈ సారి పూర్తి స్థాయి యాక్షన్ కథతో రావాలని భావిస్తున్నారు.
మాస్ మహారాజ్ రవితేజ తో పవర్ వంటి సూపర్ హిట్ చిత్రం తీసిన డైరక్టర్ బాబీ (కేఎస్ రవీంద్ర), ఆ తర్వాత పవన్ కళ్యాణ్ తో సర్దార్ గబ్బర్ సింగ్ సినిమాను తెరకెక్కించారు. ఈ చిత్రం ఆశించినంతగా విజయం సాధించకపోవడంతో కసితో మంచి కథను రాసుకున్నారు. ఆ స్టోరీని రీసెంట్ గా ఎన్టీఆర్ కి వినిపించడంతో ఆయనకు చాలా నచ్చిందని, పూర్తి స్క్రిప్ట్ తో వస్తే సినిమా చేద్దామని మాట కూడా ఇచ్చినట్లు తెలిసింది. ఆనందంతో బాబీ బౌండెడ్ స్క్రిప్ట్ ని సిద్ధం చేసే పనిలో ఉన్నారంట. ఇది గానీ ఒకే అయితే మాస్ ఆడియన్స్ కి విందు భోజనమే.
Also, do SUBSCRIBE to our YouTube channel to get latest Tollywood updates.
