యంగ్ టైగర్ ఎన్టీఆర్ సినిమా జనతా గ్యారేజ్ సినిమా విడుదలై రెండున్నర నెలలు అవుతోంది. అయినా తన నెక్స్ట్ సినిమాపైన తారక్ క్లారిటీ ఇవ్వలేదు. నిర్మాత కళ్యాణ్ రామ్ ఎన్టీఆర్ ఆర్ట్స్ బ్యానర్లో చిత్రాన్ని నిర్మించేందుకు సిద్ధంగా ఉన్నప్పటికీ కథను ఒకే చేయడం లేదు. తోటి హీరోలు ఒక సినిమా సెట్స్ మీద ఉండగానే రెండు మూడు సినిమాలను ఒకే చేస్తున్న ఈ తరుణంలో ఎన్టీఆర్ ఆలస్యం చేయడానికి కారణం ఏమిటని ఆరా తీస్తే అసలు విషయం బయట పడింది.
లవ్, యాక్షన్, సెంటిమెంట్ అంటూ విడదీయకుండా క్లాస్, మాస్ అని తేడా లేకుండా అన్ని వర్గాల ప్రజలని అలరించే యూనివర్సల్ స్క్రిప్ట్ కోసం తారక్ అన్వేషిస్తున్నట్లు తెలిసింది. అందుకే వక్కంతు వంశీ, పూరి జగన్నాథ్, అనిల్ రావి పూడి చెప్పిన కథలను ఆయన పక్కన పెట్టినట్లు సమాచారం. ఆలస్యమైనా ఫరవాలేదు, అందరినీ ఆకట్టుకునే కథ కలిగిన వారిని సెలక్ట్ చేసి తీసుకు రమ్మని ఎన్టీఆర్ తన సిబ్బందికి చెప్పినట్లు టాక్. మరి వరుస విజయాలతో ఫుల్ ఫామ్లో ఉన్న యంగ్ టైగర్ ని కథతో మెప్పించి, సినిమా ఛాన్స్ కొట్టే ఆ డైరక్టర్ ఎవరో..!
