యంగ్ టైగర్ ఎన్టీఆర్ నెక్ట్స్ మూవీ విషయంలో కొనసాగనున్న సస్పెన్స్ కి తెర పడనుంది. జనతా గ్యారేజ్ తర్వాత ఆయన చేయనున్న సినిమా ఫిక్స్ అయింది. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మించనున్న ఫిల్మ్ కి దర్శకుడిగా బాబీ ( కె.ఎస్.రవీంద్ర) ఖరారయ్యారు. మాస్ మహారాజ రవితేజ పవర్ చిత్రం తో పరిశ్రమ దృష్టిని ఆకర్షించిన ఈ డైరక్టర్, నెక్స్ట్ పవర్ స్టార్ పవన్ కళ్యాణ్ సినిమాకి దర్శకత్వం వహించడంతో స్టార్ డైరక్టర్ల లిస్ట్ లో చేరిపోయారు. బాబీ రెండో సినిమా సర్దార్ గబ్బర్ సింగ్ నిరాశ పరిచినా అతనిలోని ట్యాలెంట్ ని ఎన్టీఆర్ గుర్తించారు.
తారక్ కి రెండు వారాల క్రితం కథ చెప్పి మెప్పించిన బాబీ, అత్యంత వేగంగా స్క్రిప్ట్ వర్క్ ని పూర్తి చేసి అవకాశాన్ని దక్కించుకున్నారు. ఎన్టీఆర్ 27 వ సినిమా రేసులో ఉన్న పూరి జగన్నాథ్, లింగు స్వామి, వక్కంతు వంశీ, అనిల్ రావిపూడి, హరి .. ఇలా డజను మందిని దాటుకుని బాబీ ఈ ఛాన్స్ కొట్టేసారు. ఇప్పటికే మూడు నెలలు గ్యాప్ రావడంతో చాలా స్పీడ్ గా ఈ సినిమాని సెట్స్ మీదకు తీసుకెళ్లాలని హీరో, నిర్మాత భావించారు. అనుకున్నదే తడువుగా ముహూర్తపు షాట్ ని ఈ నెల 10 తేదీన తీయాలని డిసైడ్ అయ్యారు. ఈ చిత్రం గురించి అధికారిక ప్రకటన రెండు రోజుల్లో వెలువడనుంది.
Also, do SUBSCRIBE to our YouTube channel to get latest Tollywood updates.
