తెలుగు యువ హీరోల్లో వేగంగా సినిమాలు చేస్తున్న వారిలో నాని మొదటి వరుసలో నిలుస్తారు. విరామం లేకుండా బ్యాక్ టు బ్యాక్ చిత్రాలను చేస్తూ దూసుకు పోతున్నారు. అంతేకాదు తాజాగా మజ్ను తో మరో హిట్ ని తన ఖాతాలో వేసుకున్నారు. ఈ విజయాన్ని పూర్తిగా ఆస్వాదించకుండానే మరో మూవీ షూటింగ్ లోకి త్వరలో అడుగుపెట్టబోతున్నారు.
“సినిమా చూపిస్తా మామ” ఫేమ్ నక్కిన త్రినాధరావు దర్శకత్వం లో “నేను లోకల్” అంటూ ఎంటర్ టైన్ చేయడానికి సిద్ధమయిపోతున్నారు. ఈ ఫిల్మ్ కి రాక్ స్టార్ దేవీ శ్రీ ప్రసాద్ సంగీతం అందిస్తున్నారు. దేవితో ఉన్న స్నేహంతో యంగ్ టైగర్ ఎన్టీఆర్ ఈ సినిమాలో ఒక పాట ఆలపించనున్నట్లు కొన్ని రోజులుగా వార్తలు చక్కర్లు కొట్టాయి.
అందులో వాస్తవం లేదని నాని చెప్పారు. “నేను లోకల్” చిత్రానికి తారక్ పాడడం లేదని నేచురల్ స్టార్ స్పష్టం చేశారు. దిల్ రాజు నిర్మిస్తున్న ఈ సినిమాలో “నేను శైలజ” ఫేమ్ కీర్తి సురేష్ నాని కి జంటగా నటిస్తోంది. త్వరలో సెట్స్ మీదకు వెళ్లనున్న నేను లోకల్ క్రిస్మస్ కి రిలీజ్ కానుంది.
