హ్యాట్రిక్ హిట్ తో దూసుకుపోతోన్న ఎన్టీఆర్ జై లవకుశ తో మరో హిట్ తన ఖాతాలో వేసుకున్నారు. బాబీ దర్శకత్వంలో తారక్ తొలిసారి త్రిపాత్రాభినయం చేస్తున్న ఈ సినిమా వందకోట్ల క్లబ్ లో చేరింది. ఈ సినిమా కోసం, బిగ్ బాస్ కోసం కస్టపడి అలసిపోయిన ఎన్టీఆర్ భార్య, కొడుకుతో కలిసి విదేశీ టూర్ కి పయనమయ్యారు. తిరిగి వచ్చిన తర్వాత నెక్స్ట్ సినిమా పనుల్లో దిగనున్నట్లు అందరూ అనుకున్నారు. కానీ అలా జరగడం లేదు. కారణం త్రివిక్రమ్ కి ఖాళీ లేకపోవడమే. ఎన్టీఆర్ తర్వాత సినిమా మాటల మాంత్రికుడితోనని అందరికీ తెలిసిందే. అతను ఇప్పుడు పవన్ కళ్యాణ్ తో సినిమా చేస్తున్నారు.
ఈ సినిమా పనుల్లో జనవరి వరకు బిజీగా ఉండనున్నారు. ఆ తర్వాత కొన్ని రోజులు రెస్ట్ తీసుకొని తారక్ మూవీ స్క్రిప్ట్ పనుల్లో నిమగ్నం కానున్నారు. స్క్రిప్ట్ ఫైనల్ అయ్యేసరికి కనీసం నెల రోజులు పడుతుందని ఫిలిం నగర్ వాసులు చెబుతున్నారు. సో హారిక అండ్ హాసిని బ్యానర్లో రాధా కృష్ణ నిర్మించనున్న ఎన్టీఆర్ 28 సినిమా మార్చి లోనే సెట్స్ మీదకు వెళ్లనుంది.
Home