మాటల మాంత్రికుడు త్రివిక్రమ్ శ్రీనివాస్ దర్శకత్వంలో వచ్చిన ‘అల వైకుంఠపురములో’ చిత్రం ఇప్పటికీ రికార్డుల మోత మోగిస్తూనే ఉన్న సంగతి తెలిసిందే. ఇక ఈ చిత్రం తర్వాత త్రివిక్రమ్… ఎన్టీఆర్ తో ఓ చిత్రం చేయబోతున్నట్టు గత కొంత కాలంగా ప్రచారం జరుగుతుంది. గతంలో వీరిద్దరి కాంబినేషన్లో వచ్చిన ‘అరవింద సమేత’ చిత్రం హిట్ అనిపించుకోవడంతో.. ఇప్పుడు వీరి చేయబోయే కొత్త ప్రాజెక్ట్ పై కూడా అంచనాలు నెలకొన్నాయి. అయితే ఇంకా సినిమా మొదలవ్వలేదు కానీ.. అప్పుడే ఈ చిత్రం టైటిల్, కథ ఇదేనంటూ ప్రచారం జరుగుతుంది. త్రివిక్రమ్ సినిమాలకు ఎక్కువగా ‘అ’ తో మొదలయ్యే టైటిల్స్ నే పెడుతుంటాడు. ఇప్పుడు ఎన్టీఆర్ తో చేయబోయే రెండో సినిమాకి కూడా ‘అ’ తో మొదలయ్యే టైటిల్ నే ఫిక్స్ చేసాడని సమాచారం.
అందుతోన్న సమాచారం ప్రకారం.. ‘అయినను పోయిరావలె హస్తినకు..’ అనే టైటిల్ ను ఫిక్స్ చేసాడట. ఈ చిత్రం ఆగష్టులో సెట్స్ పైకి వెళ్ళనుంది. ‘తన తండ్రి రాజకీయ జీవితాన్ని దెబ్బ కొట్టిన కొంతమంది ప్రత్యర్దులకు … తన స్టైల్ లో గుణపాఠం చెప్పే కొడుకుగా ఎన్టీఆర్ ఈ చిత్రంలో కనిపిస్తాడట. ఇది ఎంటర్టైన్మెంట్ తో కూడుకున్న పొలిటికల్ మూవీ అని తెలుస్తుంది. డిల్లీ రాజకీయాలను కూడా ఈ చిత్రంలో త్రివిక్రమ్ టచ్ చేయబోతున్నట్టు సమాచారం. మరి ఈ వార్తలో ఎంత వరకూ నిజముందో తెలియాల్సి ఉంది. మరో పక్క ఎన్టీఆర్.. రాజమౌళి డైరెక్షన్లో ‘ఆర్.ఆర్.ఆర్’ చిత్రం చేస్తూ బిజీగా గడుపుతున్నాడు.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
