సంజయ్ లీలా భన్సాలీ పౌరాణిక పాత్ర సిద్ధం చేశారట

May 15, 2020 / 08:00 AM ISTByFilmy Focus

Join Us

సంజయ్ లీలా భన్సాలీ పౌరాణిక పాత్ర సిద్ధం చేశారట

ఎన్టీఆర్ క్రేజ్ రీత్యా స్టార్ డైరెక్టర్స్ ఆయనతో మూవీకి సిద్ధంగా ఉన్నారు. రాజమౌళితో ఆర్ ఆర్ ఆర్ చేస్తున్న ఎన్టీఆర్, ఇదే ఏడాది త్రివిక్రమ్ మూవీ షూటింగ్ లో పాల్గొంటారు. ఆర్ ఆర్ ఆర్ 2021 జనవరిలో విడుదల కానుండగా, అదే ఏడాది సమ్మర్ లో త్రివిక్రమ్ మూవీ విడుదల అవుతుంది. ఈ రెండు చిత్రాలపై ప్రేక్షకులలో భారీ అంచనాలున్నాయి. కాగా ఆ చిత్రం అనంతరం ఎన్టీఆర్ కెజిఫ్ డైరెక్టర్ ప్రశాంత్ నీల్ మూవీలో నటిస్తారు.

ఈ మూవీ కూడా భారీ యాక్షన్ ఎంటర్టైనర్ గా, పాన్ ఇండియా మూవీగా హై బడ్జెట్ తో తెరకెక్కనుంది. కెజిఫ్ సినిమాతో భారీ పాపులారిటీ తెచ్చుకున్న ప్రశాంత్ నీల్ తో ఎన్టీఆర్ మూవీ అంటే అది విజువల్ వన్దర్ అవుతుందని ఫ్యాన్స్ అంచనా వేస్తున్నారు. కాగా బాలీవుడ్ దర్శకుడు సంజయ్ లీలా భన్సాలీ కూడా ఎన్టీఆర్ కోసం ఓ స్క్రిప్ట్ సిద్ధం చేసి ఉంచారని కొద్దిరోజులుగా టాక్ వస్తున్న సంగతి తెలిసిందే. తాజా సమాచారం ప్రకారం ఇది పౌరాణికం అయ్యే సూచనలు కలవట.

Once again Jr NTR proved his greatness1

పౌరాణిక పాత్రలకు ఎన్టీఆర్ చక్కగా సరిపోతాడని భావిస్తున్న సంజయ్ లీలా భన్సాలీ ఆతరహా కథను ఎన్టీఆర్ కోసం రాసి వుంచారట. కాని పక్షంలో ఇది హిస్టారికల్ యాక్షన్ డ్రామా అయ్యే అవకాశం కూడా కలదు. ఐతే ఇవన్నీ ఊహాగానాలు మాత్రమే, అధికారిక ప్రకటన వస్తే తప్ప ఈ ప్రాజెక్ట్ పై స్పష్టత రాదు. ప్రశాంత్ నీల్ తరువాత ఎన్టీఆర్ అట్లీ లేదా సంజయ్ లీలా సినిమాలలో నటించే అవకాశం ఎక్కువగా ఉంది.