Hero Nani: నేచురల్ స్టార్ ని విలన్ చేసే ప్రయత్నాలు!

October 3, 2021 / 08:51 AM ISTByFilmy Focus

Join Us

Hero Nani: నేచురల్ స్టార్ ని విలన్ చేసే ప్రయత్నాలు!

ఈ తరం హీరోల్లో నేచురల్ స్టార్ నానికి ఉన్న క్రేజ్ గురించి తెలిసిందే. తనకంటూ ఓ ఇమేజ్ ని క్రియేట్ చేసుకున్నాడు. ఈ ఏడాది ‘టక్ జగదీష్’ సినిమాతో ప్రేక్షకులను పలకరించిన నాని ప్రస్తుతం ‘శ్యామ్ సింగరాయ్’, ‘అంటే సుందరానికీ’ వంటి సినిమాలతో బిజీగా గడుపుతున్నాడు. అలానే మరో డెబ్యూ డైరెక్టర్ తో కలిసి పని చేయడానికి అంగీకరించాడు. ఇదిలా ఉండగా.. ఇప్పుడు నానికి సంబంధించిన ఓ ఇంట్రెస్టింగ్ న్యూస్ సోషల్ మీడియాలో చక్కర్లు కొడుతోంది.

నానిని విలన్ గా చూపించే ప్రయత్నాలు జరుగుతున్నాయట. కోలీవుడ్ స్టార్ హీరో విజయ్ ప్రధాన పాత్రలో దర్శకుడు వంశీ పైడిపల్లి సినిమా చేయనున్న సంగతి తెలిసిందే. ఈ సినిమాను దిల్ రాజు నిర్మించబోతున్నారు. ప్రస్తుతం ఈ సినిమాకి సంబంధించిన ప్రీప్రొడక్షన్ పనులు జరుగుతున్నాయి. ఈ సినిమాలో విలన్ క్యారెక్టర్ చాలా డిఫరెంట్ గా ఉండబోతుంది. ఆ పాత్రలో నానిని తీసుకోవాలని దిల్ రాజు ప్లాన్ చేస్తున్నాడట. దీనికోసం నానికి భారీ రెమ్యునరేషన్ కూడా ఆఫర్ చేసినట్లు తెలుస్తోంది.

ఓపక్క హీరోగా ఎంతో బిజీగా ఉన్న నాని.. మరోపక్క నిర్మాతగా కూడా సినిమాలు చేస్తున్నారు. ఇలాంటి సమయంలో నాని విలన్ గా నటించడానికి ఒప్పుకుంటాడా అనేది ప్రశ్నార్ధకంగా మారింది. మరి ఈ విషయంలో ఎలాంటి నిర్ణయం తీసుకుంటారో చూడాలి!