Rajinikanth: నెల్సన్ డైరెక్షన్ లో మరోసారి రిపీట్ కానున్న హిట్ ఫెయిర్!

సుమారు 12 సంవత్సరాల క్రితం సూపర్ స్టార్ రజినీకాంత్ మాజీ ప్రపంచ సుందరి ఐశ్వర్య నటించిన చిత్రం రోబో. శంకర్ దర్శకత్వంలో తెరకెక్కిన ఈ సినిమా బాక్సాఫీస్ వద్ద రికార్డులు సృష్టించింది. ఇలా రోబో సినిమా ద్వారా ఎంతో మంచి విజయాన్ని అందుకున్న ఐశ్వర్య రజనీకాంత్ కాంబినేషన్లో సినిమా చేయాలని ఎంతో మంది దర్శక నిర్మాతలు ప్రయత్నించినప్పటికీ వారి ప్రయత్నాలు ఫలించలేదని చెప్పాలి. ఈ క్రమంలోనే మరోసారి ఈ హిట్ కాంబినేషన్ ను నెల్సన్ దిలీప్ కుమార్ వెండితెరపైకి తీసుకురానున్నట్లు తెలుస్తోంది.

నెల్సన్ కామెడీ నేపథ్యంలో పలు చిత్రాలను తెరకెక్కించి బాక్సాఫీస్ వద్ద మంచి విజయాలను అందుకున్నారు. ఈ క్రమంలోనే విజయ్ పూజా హెగ్డే హీరో హీరోయిన్లుగా తెరకెక్కిన బీస్ట్ సినిమాపైభారీ అంచనాలు ఏర్పడ్డాయి. ఈ సినిమా బాక్సాఫీస్ వద్ద చేదు అనుభవాన్ని మిగిల్చిందని చెప్పాలి. ఇక ఈ సినిమా బాక్సాఫీస్ వద్ద ఫ్లాప్ టాక్ సొంతం చేసుకోవడంతో రజనీకాంత్ సినిమా ఉండదని పెద్ద ఎత్తున వార్తలు వచ్చాయి. అయితే ఈ వార్తల్లో నిజం లేదని కొట్టిపారేస్తూ నెల్సన్ దర్శకత్వంలో రజనీ సినిమాను ఉంటుందని ప్రకటించారు.

ఈ క్రమంలోనే ఈ సినిమాలో రజనీకాంత్ ఐశ్వర్య భార్యాభర్తలుగా సందడి చేయనున్నట్లు సమాచారం.ఈ కాంబినేషన్ లో తెరకెక్కుతున్న యాక్షన్ ఎంటర్టైనర్ ఏ జానర్లో ఉంటుందో తెలియక పోయినప్పటికీ ఈ కాంబినేషన్లో సినిమా అంటేనే ఆ సినిమాపై భారీ అంచనాలు పెట్టుకున్నారు. ఇకపోతే ఈ సినిమాలో రమ్యకృష్ణ కూడా కీలక పాత్రలో నటిస్తున్నట్లు సమాచారం. ఇదివరకే రమ్యకృష్ణ నరసింహ చిత్రంలో రజనీకాంత్ కు పోటీగా నటించి అందరిని మెప్పించారు.

ఈ క్రమంలోనే రమ్యకృష్ణ ఈ సినిమాలో నటించబోతోందని తెలియడంతో ఈమె ఎలాంటి పాత్రలో సందడి చేయనుందనే విషయం గురించి చర్చలు మొదలయ్యాయి. ఇక ఈ సినిమాకి అనిరుధ్ రవిచంద్రన్ సంగీత దర్శకత్వం వహిస్తున్నారు. త్వరలోనే ఈ విషయం గురించి చిత్రబృందం అధికారకంగా ప్రకటించనున్నట్లు తెలుస్తోంది.

మేజర్ సినిమా రివ్యూ & రేటింగ్!

Most Recommended Video

విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!