త్రివిక్రమ్ మంచి రైటర్ అనే సంగతి ప్రత్యేకంగా చెప్పనక్కర్లేదు. ముందుగా రచయితగానే కెరీర్ మొదలుపెట్టారు. ఆ తరువాత దర్శకుడిగా మారడంతో.. బయట సినిమాలకు రచయితగా పని చేయడం మానేశారు. పవన్ కళ్యాణ్ ‘తీన్మార్’ కోసం మాత్రం రైటర్ గా పని చేయాల్సి వచ్చింది. రీసెంట్ గా ‘భీమ్లానాయక్’ సినిమాకి కూడా మొత్తం తానై నడిపించారు త్రివిక్రమ్. ఈ సినిమా కోసం త్రివిక్రమ్ కి భారీగా చెల్లించారు. ఇప్పుడు మరోసారి పవన్ కోసం పెన్ను పెట్టుకోవడం తప్పడం లేదు.
సముద్రఖని దర్శకత్వంలో పవన్ కళ్యాణ్ హీరోగా ఓ సినిమా రూపుదిద్దుకుంటుంది. ఇందులో సాయిధరమ్ తేజ్ కూడా నటిస్తున్నారు. ‘వినోదయ సీతమ్’ అనే తమిళ సినిమాకి ఇది రీమేక్. ఈ సినిమాకి మాటల రచయితగా సాయిమాధవ్ బుర్రాను ఎన్నుకున్నారు. అయితే స్క్రీన్ ప్లే మాత్రం త్రివిక్రమ్దే. రీమేక్ కథని పవన్ శైలికి అనుగుణంగా కొన్ని కీలకమైన మార్పులు చేశారు త్రివిక్రమ్. అయితే ఇక్కడితో త్రివిక్రమ్ పని అవ్వలేదు. ఇప్పుడు ఈ సినిమాకి త్రివిక్రమ్ డైలాగ్స్ కూడా రాస్తున్నారట.
తనకున్న ప్రాజెక్ట్స్, బిజీ షెడ్యూల్స్ వలన సాయిమాధవ్ బుర్రా ఈ సినిమా నుంచి తప్పుకున్నారట. దాంతో త్రివిక్రమ్ ఇప్పుడు డైలాగ్స్ రాయడానికి రెడీ అవుతున్నారట. ఓ పక్క మహేష్ బాబు సినిమా పనులతో బిజీగా గడుపుతున్నారు త్రివిక్రమ్. దానికి తోడు ఇప్పుడు పవన్ కళ్యాణ్ సినిమా రీమేక్ బాధ్యతలు కూడా తన భుజాన వేసుకున్నారు.
నిజానికి సాయిమాధవ్ బుర్రాకి బదులుగా మరో రైటర్ ని తీసుకోవాలనుకున్నారు. కానీ పవన్ కళ్యాణ్ మాత్రం త్రివిక్రమ్ డైలాగ్స్ రాస్తేనే బాగుంటుందని చెప్పడంతో.. ఆయన నో చెప్పే ఆప్షన్ లేకుండా పోయింది. మరిప్పుడు పవన్ కళ్యాణ్, మహేష్ బాబు సినిమాలను ఎలా హ్యాండిల్ చేస్తారో చూడాలి!
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
