‘పవర్ స్టార్’ పవన్ కళ్యాణ్ రీ ఎంట్రీ మూవీని డైరెక్ట్ చేసే ఛాన్స్ కొట్టేసి అందరినీ ఆశ్చర్యపరిచాడు దర్శకుడు వేణు శ్రీరామ్. అంతకు ముందు ఇతను తీసినవి రెండు సినిమాలు మాత్రమే. మొదటి చిత్రం ‘ఓ మై ఫ్రెండ్’ యావరేజ్ కాగా రెండవ చిత్రం ‘ఎం.సి.ఎ’ కమర్షియల్ సక్సెస్ ను సాధించింది. అయితే ‘ఎం.సి.ఎ’ చిత్రం హిట్ అయినప్పటికీ వేణు శ్రీరామ్ కు ఆ చిత్రం పెద్దగా గుర్తింపుని తీసుకురాలేదు.దాని క్రెడిట్ అంతా నిర్మాత దిల్ రాజు అలాగే హీరో నాని అకౌంట్లోకి వెళ్ళిపోయింది.
అలాంటి డైరెక్టర్ కు పవన్ రీ ఎంట్రీ మూవీని తెరకెక్కించే అవకాశం ఇవ్వడమేంటి? అంటూ కామెంట్స్ కూడా వినిపించాయి. కానీ వేణు మాత్రం పవన్ ఇమేజ్ కు తగినట్టే ‘వకీల్ సాబ్’ ను తెరకెక్కించాడు. ఆ సినిమా మంచి ఫలితాన్నే అందుకుంది. ‘వకీల్ సాబ్’ హిట్ తో ఇతనికి పెద్ద బ్యానర్లలో సినిమాలు చేసే అవకాశాలు వస్తున్నాయి.కానీ స్టార్ హీరోలు మాత్రం ఇప్పుడు ఎవ్వరూ ఖాళీగా లేరు. దీంతో మీడియం రేంజ్ ఉన్న హీరోతోనే సరి పెట్టుకోవాల్సిన పరిస్థితి ఏర్పడింది.
ఈ క్రమంలో వేణు మళ్ళీ మెగా హీరోతోనే సినిమా చెయ్యాలని డిసైడ్ అయినట్టు తెలుస్తుంది. ఆ మెగా హీరో మరెవరో కాదు .. సాయితేజ్. ఈ మధ్యనే ఓ కథని తేజుకి వినిపించాడు వేణు. దీనికి సాయి తేజ్ కూడా ఓకే చెప్పినట్టు సమాచారం. అయితే ‘రిపబ్లిక్’ పూర్తయిన తర్వాతే ఈ ప్రాజెక్ట్ ని అనౌన్స్ చెయ్యాలని తేజు భావిస్తున్నట్టు సమాచారం. ఇక సాయి తేజ్- వేణు మూవీలో హీరోయిన్ గా అనూ ఇమ్మాన్యుయల్ లేదా .. ప్రియాంక అరుళ్ మోహన్ లలో ఒకరు ఫైనల్ అయ్యే అవకాశం ఉందని టాక్.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home