గతేడాది ‘ఎఫ్2’ ‘వెంకీమామ’ చిత్రాల హిట్లతో బాక్సాఫీస్ ను షేక్ చేసిన విక్టరీ వెంకటేష్… ఈ ఏడాది ‘నారప్ప’ అంటూ ప్రేక్షకుల ముందుకు రావడానికి రెడీ అవుతున్నాడు. తమిళంలో ధనుష్ నటించిన బ్లాక్ బస్టర్ చిత్రం ‘అసురన్’ కు ఇది రీమేక్ కావడం విశేషం. ఒరిజినల్ ను నిర్మించిన కలైపులి తో ‘సురేష్ ప్రొడక్షన్స్’ సంస్థలు కలిసి రీమేక్ ను నిర్మిస్తున్నాయి. శ్రీకాంత్ అడ్డాల ఈ రీమేక్ ను డైరెక్ట్ చేస్తున్నాడు. ప్రస్తుతం అనంతపూర్ లో కొన్ని కీలక సన్నివేశాల్ని చిత్రీకరిస్తున్నారు.
ఇటీవల విడుదల చేసిన ‘నారప్ప’ ఫస్ట్ లుక్ పోస్టర్లకు విశేష స్పందన లభించింది. ఈ చిత్రంలో వెంకీ సరసన ప్రియమణి ని ఎంపిక చేసినట్టు ప్రచారం జరుగుతున్న సంగతి తెలిసిందే. అయితే కథ ప్రకారం ఈ చిత్రంలో మరో హీరోయిన్ కు కూడా అవకాశం ఉందట. ఇందు కోసం తమిళ బోల్డ్ హీరోయిన్ అమలా పాల్ ను ఎంచుకున్నట్టు తెలుస్తుంది. ఈ విషయాన్ని చిత్ర యూనిట్ అధికారికంగా ప్రకటించాల్సి ఉంది. మరి ఈ రీమేక్ తో వెంకటేష్ మరో బ్లాక్ బస్టర్ అందుకుంటాడేమో చూడాలి.
అల్లు అర్జున్ ఆస్తుల వివరాలు
అత్యధిక లాభాలు తెచ్చిపెట్టిన మీడియం రేంజ్ హీరోల సినిమాలు ఇవే..!
