ప్రభాస్ (Prabhas) నాగ్ అశ్విన్ (Nag Ashwin) కాంబినేషన్ లో తెరకెక్కుతున్న కల్కి (Kalki 2898 AD) సినిమాపై ఏ రేంజ్ లో అంచనాలు నెలకొన్నాయో ప్రత్యేకంగా చెప్పాల్సిన అవసరం లేదు. కల్కి సినిమాకు ప్రమోషన్స్ చేయకపోయినా ఈ సినిమా కలెక్షన్ల పరంగా అదుర్స్ అనిపించడం ఖాయమని కామెంట్లు వ్యక్తమవుతున్నాయి. కల్కి ఖాతాలో మరో అరుదైన ఘనత చేరింది. 4డిఎక్స్ ఫార్మాట్ లో ఈ సినిమా రిలీజ్ అవుతుండటం గమనార్హం. ఈ ఫార్మాట్ లో విడుదలవుతున్న తొలి తెలుగు సినిమా కల్కి కావడంతో ప్రభాస్ అభిమానుల సంతోషానికి అవధులు లేకుండా పోయాయి.
ఈ ఫార్మాట్ లో సినిమా చూస్తే సరికొత్త అనుభూతి కలుగుతుందని సమాచారం అందుతోంది. కల్కి సినిమా బుకింగ్స్ విషయంలో సైతం అదరగొడుతోంది. విదేశీ ప్రేక్షకులు సైతం ఈ సినిమా కోసం ఆసక్తిగా ఎదురుచూస్తున్నారు. మరోవైపు పంజాబీ సింగర్ దిల్ జిత్ ఈ సినిమాలో పాట పాడిన సంగతి తెలిసిందే. ఈ విధంగా చేయడం ద్వారా పంజాబ్ తో పాటు పంజాబీలు ఎక్కువగా ఉన్న కెనడాలో కూడా ఈ మూవీ కలెక్షన్స్ పరంగా అదరగొట్టడం ఖాయమని కామెంట్లు వ్యక్తమవుతున్నాయి.
కల్కి సినిమా రిలీజ్ సమయానికి ఈ సినిమాపై ఆకాశమే హద్దుగా అంచనాలు పెరిగే అవకాశాలు అయితే ఉన్నాయని అభిప్రాయాలు వినిపిస్తున్నాయి. కల్కి సినిమాకు ఇతర రాష్ట్రాల్లో సైతం భారీ స్థాయిలో ప్రమోషన్స్ చేస్తున్నారు. కల్కి రెండు భాగాలుగా తెరకెక్కుతుండగా నాగ్ అశ్విన్ మాత్రం ఈ ప్రశ్నకు సంబంధించి సమాధానం వెల్లడించలేదు. కల్కి ఎన్ని భాగాలుగా తెరకెక్కుతుందనే ప్రశ్నకు ఆయన సమాధానం దాటవేస్తున్నారు.
కల్కి సినిమా కలెక్షన్ల పరంగా సాధించే రికార్డ్స్ కోసం ఫ్యాన్స్ ఆసక్తిగా ఎదురుచూస్తున్నారు. ఈ సినిమాకు సంబంధించి త్వరలో క్రేజీ అప్ డేట్స్ వచ్చే ఛాన్స్ అయితే ఉంటుంది. కల్కి సినిమా ప్రభాస్ కెరీర్ లో స్పెషల్ మూవీగా నిలుస్తుందని చెప్పడంలో సందేహం అవసరం లేదని కామెంట్లు వ్యక్తమవుతున్నాయి.
