ఆట పాట పూర్తయినట్టే.. మిగిలింది వేటే

తొమ్మిదేళ్ల నిరీక్షణ.. తెరపై చూడాలని అభిమానులు – తెరపైకి రావాలని మెగాస్టార్. మనసులో తన మాతృస్థానానికి రావాలని ఉన్నా అప్పటి పరిస్థితుల దృష్ట్యా కొంత ఆలస్యంగా గమ్య స్థానానికి చేరుకున్న చిరు అటుపై అభిమానుల ఆర్తిని తీర్చేందుకు అలుపెరుగని పరుగు తీస్తున్నారు. ‘ఖైదీ నెం 150’ పేరిట సాగుతోన్న ఈ పరుగు త్వరలోనే ముగియనుంది. అయితే ఇది చిరు వంతు మాత్రమే. సంక్రాతి నుండి థియేటర్ల వద్దకు అభిమానవుల పరుగులు ప్రారంభమవుతాయి.

చిరంజీవి హీరోగా వివి వినాయక్ తెరకెక్కిస్తున్న చిత్రం ‘ఖైదీ నెం 150’. కొణిదెల ప్రొడక్షన్స్ బ్యానర్ పై రామ్ చరణ్ నిర్మిస్తున్నారు. లైకా ప్రొడక్షన్స్ సహ నిర్మాణంలో రూపొందుతున్న ఈ సినిమా షూటింగ్ దాదాపు పూర్తి కావచ్చిందిట. ఇటీవల నృత్య దర్శకులు జానీ/ శేఖర్ ఆధ్వర్యంలో చిరు కాజల్ పై రెండు పాటలు చిత్రీకరించిన సంగతి తెలిసిందే. చిరు సినిమాల్లో డాన్సుల ప్రాధాన్యం, మెగాస్టార్ జోరు గురించి ఇప్పుడు ప్రత్యేకించి చెప్పాల్సిన అవసరం లేదు. తొమ్మిదేళ్ల విరామo కూడా చిరు జోరుని కొంచెం కూడా తగ్గించలేకపోయిందని చిత్ర బృందం చెబుతోంది. త్వరలో హైదరాబాద్ చేరుకోకున్న ‘ఖైదీ..’ టీమ్ చివరి షెడ్యూల్ షూటింగ్ లో పాల్గొంటారట. దీంతో షూటింగ్ కి గుమ్మడికాయ కొట్టేస్తారని సమాచారం. సో.. ఆట, పాట.. ముగిసింది. ఇక మిగిలింది వేటే. అదేనండి బాక్సాఫీస్ వద్ద వసూళ్ల వేట..!

Also, do SUBSCRIBE to our YouTube channel to get latest Tollywood updates.