టాలీవుడ్‌లో బిగ్‌ సినిమా ఫెస్టివల్‌కు టైమ్‌ దగ్గరపడింది. డిసెంబరులో మొదలయ్యే ఈ సినిమా ఫెస్టివల్‌ అన్నీ అనుకున్నట్లు జరిగితే ఏప్రిల్‌ వరకు జరుగుతుంది. దీని కోసం ఇప్పటికే అన్ని సినిమాల టీమ్‌లు ప్రచారం షురూ చేశాయి. గ్లింప్స్‌, టీజర్‌, మేకింగ్‌ పేరుతో వీడియోలు విడుదల చేస్తున్నాయి. దాదాపు అన్ని సినిమాల నుండి వరుసగా వీడియోలు వస్తూనే ఉన్నాయి. అయితే పాటల విషయంలో మాత్రం ఒకరు పెండింగ్‌లో ఉన్నారు. ‘సర్కారు వారి పాట’ సినిమా నిజానికి సంక్రాంతి సందర్భంగా విడుదల కావాల్సి ఉంది.
అయితే వివిధ కారణాల వల్ల సినిమాను సమ్మర్‌కు పోస్ట్‌ పోన్‌ చేశారు. ఏప్రిల్‌ 1న ఈ సినిమాను విడుదల చేస్తున్నారు. గట్టిగా చూస్తే నాలుగు నెలలు ఉంది. అయితే ఇంత సమయం ఉన్న సినిమాల ఫస్ట్‌ సింగిల్ విడుదల చేశారు. కానీ ‘సర్కారు వారి పాట’ నుండి మాత్రం ఒక్క పాట కూడా రిలీజ్‌ కాలేదు. అయితే ఈ సినిమా టైటిల్‌ ట్రాక్‌ నుండి ఒక హమ్మింగ్ బిట్‌ను మాత్రం వీడియోతో వినిపించారు.
ఆ తర్వాత సినిమా నుండి ఎలాంటి గీతమూ రాలేదు. మిగిలిన హీరోల పాటలు వచ్చేయడంతో వారి అభిమానులు ఉత్సాహంగా ఉన్నారు. మహేష్ ఫ్యాన్స్‌ కూడా ఇప్పుడు ఇదే ఫీలింగ్‌ కోసం ఎదురుచూస్తున్నారు. సో సూపర్‌స్టార్‌ ఫ్యాన్స్‌ కోసం పరశురామ్‌ అండ్‌ టీమ్‌ ఎప్పుడు సాంగ్‌ విడుదల చేస్తుందో చూడాలి.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
