మారుతి దర్శకత్వంలో గీతా ఆర్ట్స్ 2 యు.వి క్రియేషన్స్ సంయుక్తంగా నిర్మిస్తున్న చిత్రం పక్కా కమర్షియల్. గోపీచంద్, రాశిఖన్నా ప్రధాన పాత్రలో నటిస్తున్న ఈ సినిమా జులై 1వ తేదీ ప్రేక్షకుల ముందుకు రావడానికి సిద్ధమయ్యింది. ఈ క్రమంలోనే చిత్రబృందం అన్ని ఏర్పాట్లను పూర్తి చేశారు. ఇకపోతే ఈ సినిమా విడుదల దగ్గర పడటంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాల్లో భాగంగా చిత్రబృందం పెద్ద ఎత్తున ఇంటర్వ్యూలకు హాజరు అవ్వడమే కాకుండా ఇతర కార్యక్రమాలలో కూడా సందడి చేస్తూ పెద్ద ఎత్తున సినిమాపై అంచనాలను పెంచారు.
ఇకపోతే ఈ సినిమా ప్రీ రిలీజ్ వేడుకకు కూడా ఎంతో ఘనంగా నిర్వహించారు. ఈ సినిమాకి ప్రీ రిలీజ్ వేడుకకు మెగాస్టార్ చిరంజీవి ముఖ్య అతిథిగా హాజరు కావడం స్పెషల్ అట్రాక్షన్గా నిలిచింది. ఇక అన్ని ఏర్పాట్లను పూర్తి చేసుకున్న ఈ సినిమాని సెన్సార్ సభ్యులు వీక్షించారు. ఈ క్రమంలోనే ఈ సినిమా చూసిన సెన్సార్ ఈ సినిమాకి యు/ఏ సర్టిఫికెట్ జారీ చేశారు. కేవలం సెన్సార్ సర్టిఫికెట్ మాత్రమే కాకుండా రన్ టైం కూడా లాక్ చేశారు.
2 గంటల 32 నిమిషాలుగా సినిమా కట్ చేశారు.ఇకపోతే ఈ సినిమా నుంచి విడుదలైన పాటలు ట్రైలర్ టీజర్ ఇప్పటికే భారీ అంచనాలు పెంచాయి.ఇక ఈ సినిమాలో గోపీచంద్ రాశీఖన్నా ఇద్దరు లాయర్ల పాత్రలో కనిపించనున్నారు. జులై 1వ తేదీ ఎన్నో అంచనాల నడుమ విడుదలవుతున్న ఈ సినిమా థియేటర్లో ప్రేక్షకులను ఎలా ఆకట్టుకుంటుందో తెలియాల్సి ఉంది.గత కొన్ని సంవత్సరాల నుంచి గోపీచంద్ ఇండస్ట్రీలో కొనసాగుతూ హీరోగా మంచి గుర్తింపు పొందారు.
అయితే ఈయన కెరియర్లో ఒకానొక సమయంలో వరుస ఫ్లాప్ సినిమాలు వచ్చాయి. సిటీ మార్ చిత్రం ద్వారా హిట్ సినిమాలను తన ఖాతాలో వేసుకున్న గోపీచంద్ తిరిగి పక్కా కమర్షియల్ చిత్రం ద్వారా ప్రేక్షకుల ముందుకు రాబోతున్నారు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home