Pakka Commercial Collections: యావరేజ్ రిజల్ట్ తో సరిపెట్టుకున్న ‘పక్కా కమర్షియల్’ ..!

గోపీచంద్ హీరోగా మారుతి దర్శకత్వంలో తెరకెక్కిన చిత్రం ‘పక్కా కమర్షియల్’. అల్లు అరవింద్ సమర్పణలో ‘జి ఎ 2 పిక్చర్స్’ ‘యూవీ క్రియేషన్స్’ బ్యానర్ల పై బన్నీ వాస్ ఈ చిత్రాన్ని నిర్మించారు. జూలై 1 న ఈ మూవీ ప్రేక్షకుల ముందుకు వచ్చింది.తొలిరోజు ఈ చిత్రానికి మిక్స్డ్ టాక్ వచ్చినప్పటికీ పర్వాలేదు అనిపించే విధంగా కలెక్షన్లు రాబట్టింది.మొత్తంగా మొదటి వారం బాక్సాఫీస్ వద్ద ఓకే అనిపించే విధంగా పెర్ఫార్మ్ చేసిన ఈ మూవీ రెండో వీకెండ్ ను పెద్దగా వాడుకోలేకపోయింది.

ఇక రాశీ ఖన్నా హీరోయిన్ గా నటించిన ఈ మూవీలో సత్యరాజ్, సప్తగిరి, రావు రమేష్, వరలక్ష్మీ శరత్ కుమార్, చిత్ర శుక్ల మొదలైన వారు కీలక పాత్రలు పోషించారు. ఇక ‘పక్కా కమర్షియల్’ క్లోజింగ్ కలెక్షన్స్ ను ఓసారి గమనిస్తే :

‘పక్కా కమర్షియల్’ చిత్రానికి రూ.17.5 కోట్ల థియేట్రికల్ బిజినెస్ జరిగింది.అయితే చాలా ఏరియాల్లో ‘గీతా ఆర్ట్స్’ మరియు ‘యూవీ క్రియేషన్స్’ సంస్థలు ఓన్ రిలీజ్ చేసుకున్నాయి. దీంతో ఈ చిత్రం బ్రేక్ ఈవెన్ టార్గెట్ రూ.15 కోట్లు గా ఉంది.ఫుల్ రన్ ముగిసేసరికి ఈ చిత్రం రూ.10.01 కోట్ల షేర్ ను రాబట్టి బిలో యావరేజ్ టు యావరేజ్ అనిపించింది.

భారీ వర్షాలు వంటివి లేకపోయి ఉంటే కనుక ఈ మూవీ ఇంకా బాగా కలెక్ట్ చేసి ఉండేదని చెప్పొచ్చు. అయితే జూలై నెలలో విడుదలైన సినిమాల్లో కొంతలో కొంత పర్వాలేదు అనిపించింది ఈ మూవీ.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?