టాలీవుడ్ యంగ్ హీరో నాగచైతన్య-పరశురామ్ కాంబినేషన్ లో సినిమా రాబోతున్నట్లు చాలా కాలంగా ప్రచారం జరుగుతుంది. ‘సర్కారు వారి పాట’ సినిమా తరువాత పరశురామ్.. చైతుతో సినిమా మొదలుపెడతానని ప్రమోషన్స్ సమయంలో చెప్పారు. కానీ అలా జరగడం లేదు. మరోపక్క ఈ సినిమా కథ గురించి మీడియాలో పలు రకాల వార్తలొస్తున్నాయి. ఈ సినిమాలో చైతు డ్యూయల్ రోల్ పోషించబోతున్నట్లు కథనాలు వచ్చాయి. తాజాగా ఈ వార్తలపై చైతు స్వయంగా స్పందించారు.
విక్రమ్ కె కుమార్ దర్శకత్వంలో చైతు హీరోగా తెరకెక్కిన ‘థాంక్యూ’ సినిమా ఈ వారంలోనే ప్రేక్షకుల ముందుకు రానుంది. ఈ సినిమా ప్రమోషన్స్ లో భాగంగా ఓ ఇంటర్వ్యూలో పాల్గొన్న చైతు.. పరశురామ్ తో సినిమా గురించి ప్రస్తావించారు. పరశురామ్ ఇంకా తనకు స్క్రిప్ట్ నేరేషన్ ఇవ్వలేదని చైతు చెప్పుకొచ్చారు. త్వరలోనే కథ చెబుతారని వెల్లడించారు. అది డ్యుయల్ రోల్ స్టోరీనా అని ప్రశ్నిస్తే.. కాదని చెప్పారు చైతు.
ఇప్పుడు చైతు.. వెంకట్ ప్రభు దర్శకత్వంలో సినిమా చేయడానికి రెడీ అవుతున్నారు. ఈ సినిమాలో చైతు పోలీస్ ఆఫీసర్ గా కనిపించనున్నారు. అవుట్ అండ్ అవుట్ మాస్ ఫిలింగా దీన్ని తెరకెక్కిస్తున్నారు. వచ్చే ఏడాది ప్రీ సమ్మర్ కి ఈ సినిమా ఫస్ట్ కాపీ రెడీగా ఉంటుందట. దీని తరువాత అయినా.. పరశురామ్ తో సినిమా చేస్తారేమో చూడాలి.
వెంకట్ ప్రభు సినిమా పూర్తయ్యే వరకు పరశురామ్ సినిమా ప్రీ ప్రొడక్షన్ స్టేజ్ లోనే ఉంటుందన్నమాట. ఈలోగా చైతు దగ్గరకి మరో మంచి సబ్జెక్ట్ రాకపోతే పరశురామ్ సినిమా పట్టాలెక్కడం ఖాయం. లేదంటే మరింత ఆలస్యమయ్యే ఛాన్స్ కనిపిస్తుంది!
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
