సర్దార్ లో ఇరవై నిమిషాల తరువాతే పవన్!

రీసెంట్ గా విడుదలయిన ‘సర్దార్ గబ్బర్ సింగ్’ ట్రైలర్ ను బట్టి సినిమాపై ఒక అంచనాకు వస్తున్నారు. ట్రైలర్ మొదలయిన ఒక నిమిషం వరకు స్క్రీన్ మీద పవన్ కనిపించలేదు. కేవలం ఆర్టిస్టుల తోనే ఒక నిమిషం పాటు ట్రైలర్ నడపడం సాహసమనే చెప్పాలి.

ఈ సాహసం వెనుక ఒక కారణం ఉందట. సర్దార్ సినిమాలో కూడా ఇలానే మొదట ల్యాగ్ ఉంటుందని సమాచారం. సినిమా మొదలయిన ఇరవై నిమిషాల తరువాత మాత్రమే పవన్ ఎంట్రీ ఉంటుందని సమాచారం. అప్పటివరకు విలన్ పాత్రను పరిచయం చేయడం, రతన్ పూర్ రాణి, అక్కడ ఉండే జనాలతో సినిమా కథను నడిపిస్తారని టాక్. సినిమా ప్రారంభం అయ్యాక 20 నిముషాల పాటు పవన్ స్క్రీన్ పై కనిపించకుండా ఉంటే పవన్ అభిమానులు ఎలా రిసీవ్ చేసుకుంటారనే అనుమానం ఉంది.