“బన్నీ” విషయంలో పవన్ ఫ్యాన్స్ ఫుల్ హ్యాపీ!!!

టాలీవుడ్ లో మెగా శిబిరం నుంచి వచ్చిన హీరోల్లో పవర్ స్టార్ పవన్ కల్యాణ్….స్టైలిష్ స్టార్ అల్లు అర్జున్ ఎవరికి వారు, తమ స్టార్ డమ్ పెంచుకుంటూ మెగా అభిమానుల్ని అలరిస్తున్నారు. అయితే అదే క్రమంలో ‘సరైనోడు’ సక్సెస్ మీట్ లో అల్లుఅర్జున్ పవన్ కళ్యాణ్ పై చేసిన కామెంట్స్ కు పవన్ ఫ్యాన్స్ రగిలిపోతున్నారు. బన్నీపై ఆన్‌లైన్ సైట్స్ లో ఇష్టం వచ్చినట్లుగా కామెంట్స్ చేస్తూ…వారందరూ ఒకే ఫ్యామిలీ వీరాభిమానులు అన్న పదాన్ని మరచిపోతున్నారు. ఇదిలా ఉంటే బన్నీ ని టార్గెట్ చెయ్యాలని అనుకుంటున్న పవర్ స్టార్ ఫ్యాన్స్ కు అనుకోకుండా బ్రహ్మానందం అల్లుఅర్జున్ పై వేసిన సెటైర్ బాగా కలసి వచ్చింది, ఇక ఆ కామెంట్స్ నే తమ ఆయుధాలుగా మార్చి బన్నీని టార్గెట్ చేయడం లేటెస్ట్ న్యూస్ గా మారింది. విషయం ఏమిటంటే….

‘సరైనోడు’ సక్సస్ సందర్భంగా ఆ సినిమాలో నటించిన బ్రహ్మానందం అల్లుఅర్జున్ తో కలిసి ఒక ఛానల్ కి ఇంటర్వ్యూ ఇస్తున్నప్పుడు ప్రోగ్రాం యాంకర్ బన్నీని టార్గెట్ చేస్తూ బ్రహ్మీ గురించి ఒక ఆసక్తికరమైన ప్రశ్నను అడిగింది. అదేమిటంటే… బ్రహ్మానందంను చూడగానే ఎవరికైనా వెంటనే నవ్వు వస్తుంది, మీరు ఆయనతో నటిస్తున్నప్పుడు నవ్వు ఎలా ఆపుకున్నారు అని ప్రశ్నించింది. అయితే అల్లుఅర్జున్ సమాధానం చెప్పడానికి సిద్ధపడుతూ ఉంటే  వెంటనే మైక్ అందుకున్న బ్రహ్మీ బన్నీ వైపు చూస్తూ అల్లుఅర్జున్  అలా కనపడుతూ ఉంటాడుకాని చాలామందికి తెలియని అసలు విషయం ఏమిటంటే బన్నీ చాల పెద్ద కోతి అంటూ ఘాటైన సెటైర్ వేసాడు.

ఇక దాన్ని పట్టుకున్నారు మన పవన్ ఫ్యాన్స్…బ్రహ్మానందం అల్లుఅర్జున్ పై సరదాగా వేసిన సెటైర్ పవన్ వీరాభిమానులకు మంచి అవకాశంగా మార్చుకుని “బన్నీ చాలా పెద్ద కోతి” అంటూ వెబ్ మీడియాలో రకరకాల్ కామెంట్స్ పెడుతూ పవన్ వీరాభిమానులు తమ ఆవేశాన్ని తీర్చుకుంటున్నారు. ఏది ఏమైనా..అభిమానం శ్రుతిమించి పోతుంది అనడానికి ఇదో ఉదాహరణ అనే చెప్పవచ్చు.