విజయాలు, అపజయాలకు సంబంధం లేకుండా కొంతమంది స్టార్ల ఇమేజ్ పెరుగుతూ ఉంటుంది. అలాంటి వారిలో పవర్ స్టార్ పవన్ కళ్యాణ్ ఒకరు. పదేళ్ల పాటు ఒక మంచి హిట్ లేకున్నాఫ్యాన్ ఫాలోయింగ్ విస్తరించిన హీరో పవన్ ఒక్కరే. గబ్బర్ సింగ్ గా బాక్స్ ఆఫీస్ ఖజానాను కొల్లగొట్టి, అత్తారింటికి దారేది సినిమాతో పవన్ పవర్ మరోసారి చూపించాడు. ఆ తర్వాత వచ్చిన సర్దార్ గబ్బర్ సింగ్ అంచనాలను అందుకోలేక పోయాడు. అయినా పవర్ స్టార్ ఇమేజ్ చెక్కు కూడా చెదరలేదు. ఆయన్ను సంప్రదించే నిర్మాతల సంఖ్యలో పెరుగుదల తప్ప.. తరుగుదల లేదు. పైగా పవన్ అడిగినంత పారితోషికం ఇవ్వడానికి ఆయన చుట్టూ తిరుగుతున్నారు.
ప్రస్తుతం ఎస్.జె.సూర్య దర్శకత్వంలో తెరకెక్కనున్న సినిమాకు శరత్ మరార్ నిర్మిస్తున్నాడు. ఇందుకోసం పవన్ రెమ్యూనరేషన్ గా రూ. 25 కోట్లు అందుకున్నారని సమాచారం. ఈ సినిమా సెట్స్ మీదకు వెళ్లక ముందే త్రివిక్రమ్ శ్రీనివాస్ ప్రాజెక్ట్ కి ఒకే చెప్పాడు. “అ..ఆ” నిర్మాత ఎస్.రాధా కృష్ణ నిర్మించనున్న ఈ సినిమాకు పవర్ స్టార్ రూ. 26 కోట్లు తీసుకోనున్నారు. దీంతో పాతిక కోట్ల రూపాయల హీరోగా పవన్ కళ్యాణ్ అవతరించాడు.
Home