ఎన్టీఆర్ వద్దంటే పవన్ తో చేస్తున్నాడా?

ఎప్పటి నుండో పవన్ ఫ్యాన్స్ ఎదురుచూస్తున్న కాంబినేషన్ దర్శకుడు హరీష్ శంకర్. గతంలో వీరి కాంబినేషన్ లో వచ్చిన గబ్బర్ సింగ్ భారీ విజయాన్ని అందుకుంది. ఇటీవలే 8ఏళ్ళు పూర్తి చేసుకున్న ఈ చిత్ర సంబరాలు పవన్ ఫ్యాన్స్ భారీ ఎత్తున నిర్వహించారు. పవన్ కళ్యాణ్ 2018 తరువాత పూర్తిగా సినిమాలకు దూరం కావడంతో మళ్ళీ వీరిద్దరి కాంబినేషన్ లో మూవీ కష్టమే అనుకున్నారు. ఐతే వకీల్ సాబ్ చిత్రంతో కం బ్యాక్ ప్రకటించిన పవన్ వరుసగా మూడు చిత్రాలు ప్రకటించాడు. వాటిలో ఒకటి హరీష్ శంకర్ తో కూడా ఉంది. ఇప్పటికే వకీల్ సాబ్ షూటింగ్ పూర్తి చేసిన పవన్, క్రిష్ దర్శకత్వంలో తెరకెక్కుతున్న పీరియడ్ యాక్షన్ ఎంటర్టైనర్ లో కూడా నటిస్తున్నారు.

హరీష్ శంకర్ తో మూవీ ప్రీ ప్రొడక్షన్ దశలో ఉండగా మూవీ కథపై ఓ క్రేజీ న్యూస్ చక్కర్లు కొడుతుంది. ఈ కథను హరీష్ మొదట ఎన్టీఆర్ కు వినిపించారట. అయితే ఎన్టీఆర్ కు ఈ కథ పెద్దగా నచ్చకపోవడంతో ఆయన తిరస్కరించారట. కాగా ఎన్టీఆర్ హరీష్ చెప్పిన మరో కథను ఓకే చేశారట. అప్పుడు ఎన్టీఆర్ ఓకే చెప్పిన కథే ‘రామయ్యా వస్తావయ్యా’ అని సమాచారం. ఇక ఆ సినిమా ఘోర పరాజయం పొందిన సంగతి మనకు తెలిసిందే.

అప్పుడు ఎన్టీఆర్ నో చెప్పిన కథకు హరీష్ మార్పుచేర్పులు చేసి పవన్ కు వినిపించారట. పవన్ కు హరీష్ చెప్పిన ఆ స్క్రిప్ట్ నచ్చడంతో సినిమాకు గ్రీన్ సిగ్నల్ ఇచ్చారని టాక్. మరి ఈ విషయంలో ఎంత వరకు నిజం ఉందో తెలియదు కానీ టాలీవుడ్ లో వినిపిస్తుంది. ఇక పవన్ ఇమేజ్ కి తగ్గట్టుగా పక్కా కమర్షియల్ ఎంటర్టైనర్ గా ఈ మూవీ ఉంటుందని హరీష్ చెప్పుకొస్తున్నారు.

Most Recommended Video

దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు