సంక్రాంతికి పోటీ పడుతున్న పవన్, మహేష్

ఈ సంవత్సరం సంక్రాంతికి మెగాస్టార్ చిరంజీవి, నటసింహ బాలకృష్ణ చిత్రాల మధ్య పోటీ నడిచింది. ఖైదీ నంబర్ 150, గౌతమి పుత్ర శాతకర్ణి సినిమాలు ఊహించిన దానికంటే గొప్ప విజయం సాధించాయి. వచ్చే ఏడాది సంక్రాంతికి కూడా మంచి పోటీ జరగనుంది. ఈ సారి పవర్ స్టార్ పవన్ కళ్యాణ్, సూపర్ స్టార్ మహేష్ బాబు చిత్రాలు బరిలోకి దిగనున్నాయి. తనకి జల్సా, అత్తారింటికి దారేది వంటి సూపర్ హిట్స్ ఇచ్చిన త్రివిక్రమ్ శ్రీనివాస్ దర్శకత్వంలో పవన్ కళ్యాణ్ మూడో సినిమా చేస్తున్నారు. హారిక అండ్ హాసిని బ్యానర్లో రాధా కృష్ణ నిర్మిస్తున్న ఈ మూవీ వేగంగా చిత్రీకరణ జరుపుకుంటున్నాయి.

అను, సాయి పల్లవి హీరోయిన్స్ గా నటిస్తున్న ఇందులో కుష్బూ కీలక రోల్ పోషిస్తోంది. వెంకటేష్ గెస్ట్ అప్పీరియన్స్ తో సినిమాకి క్రేజ్ ని పెంచారు. ఇక తనకి శ్రీమంతుడుతో ఇండస్ట్రీ హిట్ ఇచ్చిన కొరటాల శివ తో భరత్ అనే నేను చిత్రాన్ని మహేష్ బాబు చేస్తున్నారు. క్రేజీ కాంబినేషన్లో తెరకెక్కుతోన్న ఈ సినిమాపై అంచనాలు భారీగా ఉన్నాయి. ఈ మూవీ జనవరి 11 న రిలీజ్ కానుంది. అప్పుడే పవన్ చిత్రం కూడా విడుదల కానుంది. మరి ఈ ఇద్దరిలో ఎవరికి హిట్ సొంతమవుతుందో ప్రేక్షకులే చెప్పాలి.

Also, do SUBSCRIBE to our YouTube channel to get latest Tollywood updates.