Pawan Kalyan: ఓజీ ఓజీ అని అరిచిన ఫ్యాన్స్.. పవన్ రియాక్షన్ ఇదే!

జనసేన అధినేత, డిప్యూటీ సీఎం పవన్ కళ్యాణ్ (Pawan Kalyan) సినిమాల్లోకి రీఎంట్రీ ఎప్పుడిస్తారు అనే ప్రశ్న అభిమానులను ఎంతగానో వేధిస్తోంది. పవన్ కళ్యాణ్ చేతిలో ప్రస్తుతం మూడు సినిమాలు ఉన్నాయి. ఓజీ (OG Movie), హరిహర వీరమల్లు (Hari Hara Veera Mallu) , ఉస్తాద్ భగత్ సింగ్ (Ustaad Bhagat Singh) లను పవన్ వేగంగా పూర్తి చేయాలని ఫ్యాన్స్ కోరుకుంటున్నారు. అయితే పవన్ కళ్యాణ్ మాత్రం సినిమాల్లోకి రీఎంట్రీ గురించి షాకింగ్ కామెంట్లు చేశారు. “నాకు సినిమాలు చేసే టైమ్ ఉందంటారా?” అని పవన్ కళ్యాణ్ చేసిన కామెంట్లు సోషల్ మీడియాలో వైరల్ అవుతున్నాయి.

కాకినాడ జిల్లా ఉప్పాడలో పవన్ ప్రసంగిస్తున్న సమయంలో ఫ్యాన్స్ ఓజీ ఓజీ అని అరిచారు. “సినిమాలు చేసే టైమ్ ఉందంటారా? నిన్ను ఎన్నుకుంటే రోడ్డు గుంతలు కూడా పూడ్చలేదని ప్రజలు మనల్ని తిట్టకూడదు అని పవన్ కళ్యాణ్ అభిప్రాయం వ్యక్తం చేశారు. మనం ఓజీ అంటే వాళ్లు క్యాజీ అంటారని పవన్ పేర్కొన్నారు. ఏపీ ప్రజలకు సేవ చేసుకుంటూ కుదిరినప్పుడల్లా రెండు, మూడు రోజులు సినిమాలు చేస్తానని ఓజీ బాగుంటుందని చూడండని పవన్ కళ్యాణ్ వెల్లడించడం గమనార్హం.

పవన్ అలా చెప్పడంతో పవన్ సినిమాలు మరింత ఆలస్యమయ్యే ఛాన్స్ ఉందని కామెంట్లు వ్యక్తమవుతున్నాయి. పవన్ కళ్యాణ్ ను అభిమానించే ఫ్యాన్స్ సంఖ్య పెరుగుతుండగా పవన్ కళ్యాణ్ కొత్త సినిమాలకు సంబంధించి ప్రకటనలు చేసే అవకాశాలు అయితే లేనట్టేనని చెప్పవచ్చు. పవన్ కళ్యాణ్ ప్రజాసేవకే ప్రాధాన్యత ఇవ్వాలని భావిస్తున్నట్టు ఆయన కామెంట్లతో అర్థమవుతుంది.

పవన్ కళ్యాణ్ రాజకీయాల్లో మరింత సక్సెస్ కావాలని అభిమానులు కోరుకుంటున్నారు. పవన్ కళ్యాణ్ కెరీర్ పరంగా మరింత ఎదగాలని సంచలన విజయాలను అందుకోవాలని ఫ్యాన్స్ ఆకాంక్షిస్తున్నారు. పొలిటికల్ గా పవన్ తీసుకొచ్చే విప్లవాత్మక మార్పులు తెలియాలంటే మాత్రం మరికొన్ని రోజులు ఆగాల్సిందేనని చెప్పవచ్చు.

 

View this post on Instagram

 

A post shared by Filmy Focus | తెలుగు (@filmyfocus)