‘పవర్’స్టార్ ఏంటా పని….!!!

పవర్ స్టార్ పవన్ కల్యాణ్….అభిమానులకు ఆరాధ్య దైవం, మెగా స్టార్ చిరంజీవి తరువాత ఆయన వారసుడిగా సినీ ప్రపంచంలోకి అడుగు పెట్టిన పవన్ కల్యాణ్, తనదైన ముద్రని టాలీవుడ్ లో వేసుకున్నాడు. అయితే అప్పటి బడా హీరోల తరువాత మిగిలిన ఏకైక యువ హీరో కావడంతో పవన్ కల్యాణ్ క్రేజ్ పీక్స్ లో ఉండేది. ఇప్పటికీ పవన్ ను ఆరాధించే వారు ఎక్కువగానే ఉన్నారు. ఇక చిరు, పవన్ తరువాత ఎంతో మంది మెగా హీరోలు టాలీవుడ్ లో అడుగు పెట్టారు కానీ, పవన్ అంత స్టార్ డమ్ ను మాత్రం సంపాదించుకోలేకపోయారు. ఇదిలా ఉంటే తాజాగా పవన్ సైతం మిగిలిన మెగా హీరోల్లా మారిపోయాడు. తనకంటూ ఒక ప్రత్యేకత సంపాదించుకున్న పవన్ ఇప్పుడు తన అన్నను అనుసరిస్తున్నాడు.

ఇంతకీ విషయం ఏమిటంటే….తన కరియర్ లో ఎప్పుడూ…చిరంజీవి సినిమాలకి సంబంధించిన ఎటువంటి సీన్స్ ని, సాంగ్స్ ను  ఉపయోగించుకోని పవన్ కళ్యాణ్, తాజాగా చిరంజీని నటించిన మూవీలోని ఓ సాంగ్ ని ఏకంగా రిమేక్ చేసేశాడు. ఇప్పటి వరకూ చిరంజీవి సాంగ్స్ ని వాడుకున్న మెగా హీరోలలో రామ్ చరణ్, సాయి ధరమ్ తేజ్ వంటి స్టార్స్ ఉన్నారు. చిరు సూపర్ హిట్ పాటలను రీమిక్స్ ని వీరు చేశారు…చేస్తూ వస్తున్నారు….అయితే ఇప్పుడు పవర్ స్టార్ పవన్ కళ్యాణ్ సైతం, ‘సర్దార్ గబ్బర్ సింగ్’సినిమాలో చిరు పాటని రిమిక్స్ చేశాడు. ‘కొండవీటి రాజా’లోని ‘నా కోక బాగుందా.. నా రైక బాగుందా..’ అన్న పాటను రీమిక్స్ చేసి, సర్ధార్ మూవీలో ఐటెం సాంగ్ గా వాడుకుంటున్నాడు.

ఈ విషయం విన్న చిరు అభిమానులు ఎవ్వడైనా చిరును ఫాలొ కావాల్సిందే అని కాలర్ ఎగరేస్తుంటే….పవన్ అభిమానులు మాత్రం, పవన్ చర్యలపై కొంచెం కోపంగానే ఉన్నారు. అయితే ఇలా చేయడం వల్ల మళ్లీ చిరు-పవన్ ఒకటైనట్లు సంకేతం అని మరికొందరి వాదన..ఏది ఏమైనా..మెగా ఫ్యామిలీ ఫాన్స్ సర్దార్ ప్రభంజనానికి సిద్దం అవ్వండి.